我要係20歲之前，將女神變做女朋友: 第四節:三人之約

我好似踏空一樣突然下墮，我就扎醒左。

岩岩好似發左個夢但又醒唔起夢嘅內容，但有一種唔捨得嘅感覺係個腦到盤迴。

我拎起放左係枕頭隔離嘅手機，我打開螢幕上面顯示住三個未接來電，無錯三次都係阿琦打黎。

我再睇睇依家已經就黎夜晚12點，我大概訓左4個幾鐘。

阿琦仲附帶左一個wts問我:“係唔係緊要事呀?妳好少會打比我架喎。”





佢係11點30send依個訊息過黎，真係無耐之前先覆我。

我打開wts回覆佢:“唔係緊要野只係想約妳食餐飯，妳依排得唔得閒呢?

我覆完佢就行左出廳，見到飯煲仲着緊保暖燈，一定係阿媽見我攰唔叫醒我留左飯。

我一邊食飯一邊睇下手機，到食完飯阿琦依然未覆我。

執完枱洗完碗我返左入房準備再訓過。





我岩岩訓落張床手機就噹左一聲，我都估到係阿琦:

"ok呀，今個星期六日我都好得閒，你地兩個o唔ok?"

我記得阿聰講過幾時都得所以我就簡左其中一日:

"無問題呀就星期六啦，地點遲啲再覆妳!"

阿琦比左個ok既emoji我就off左。





我放低部電話係床邊再次進入左夢鄉。