我要係20歲之前，將女神變做女朋友: 第一節:新開始

成個暑假我都好期待開學,一黎係中學之後嘅新開始,二黎亦都係重點就係有好多女同學~~

我啲中學同學都報左唔同嘅科目,以我所知大部份男同學都報左IT,而女同學就報酒店為多。

我最熟嘅兩位朋友阿聰同阿琦就分別報左依兩科,而我地三個嘅故事之後再講~~

我日盼夜盼終於等到開學嘅一日,我算係最早嗰一批同學返到學校,我入到課室已經有四,五個女仔同一個男仔到左。

大家都低頭禁手機,比我感覺係佢地都好怕羞,雖然我都係比較怕羞嘅男仔~~





我簡左一個角落位坐,角落得黎又可以望哂成班。

過左一陣班上面嘅已經無乜空位,代表住讀幼教依一科嘅人差唔多到齊哂。

我依啲有宅男氣場嘅小毒毒當無人坐我隔離啦,但係坐我嗰一行嘅就有。

我環顧一下成班,發現計埋我只係得三個男仔,而其餘二十幾個人都係女仔。

驟眼望落去唔同歲數嘅人都有,個樣方面兇神惡煞,斯斯文文,怕怕羞羞嘅亦都有。





正當我想再望下有無靚女嘅時候三個女老師入左黎。

佢地輪流介紹自己,一位係學科主任,一位係我地成年嘅班主任,而最後一位就係我地半個班主任。

班主任專登走埋黎問我點解你會簡讀幼兒教育嘅?好少男仔簡依一科架喎!

我答佢因為自己鍾意小朋友,佢點點頭就行開左,我諗佢都聽過好多人咁講。

今日嘅堂係活動設計,教我地嘅係副班陳老師,佢個樣都比較後生應該二字尾。





其他兩個老師講完啲重要事之後就先行走左。

陳老師自我介紹完就輪到我地自我介紹。

幾乎每一個女仔讀幼教嘅原因都係因為鍾意小朋友,當然連我都唔例外,其中有一個女仔嘅原因比較特別:

"我讀幼教係因為我好唔鍾意小朋友,我想比啲挑戰自己!"

依一刻全班嘅目光都聚焦係佢身上,我都估唔到會有一個人會咁講........