風之軌跡（校園，戀愛，籃球）: 遊樂場 中

我望下附近，睇下有無d比較容易挽嘅遊戲可以贏到佢地，我最後揀左容易挽嘅氣墊球。

「呢個咁簡單實贏你地嘅」我非常囂張咁講

「阿健你咁囂張，等我會一會你先，今場等我黎」阿晴今次選擇左傻韋佢地隊仲要自己出場

「我都要繼續」小雪唔知點解今日挽遊戲特別落力。平時佢份人都唔係咁，今日對住我同詩雅特別認真。不過咁都好，起碼見到佢挽得幾開心。

「咁今場我同阿健對小雪同阿晴啦，呢場遊戲睇黎幾有趣」詩雅嘴角上揚咁講





「邊隊攞五分就邊個贏，準備啦」我講完之後馬上企過去入錢，準備開始遊戲。

我地兩隊人全神貫注望住中間開波位，等待佢飛出黎。

「黎啦，阿健！」詩雅見到個波飛過黎我果邊馬上叫我打過去。

我比詩雅提醒之後馬上狗衝過去瞄準龍門一下快速打過去，小雪同阿晴完全反應唔切，直接比我攞左一分。

「好野呀，多得詩雅你炸」我望過去詩雅到對佢講





「小心呀」起我慶祝之際比小雪突然偷襲，詩雅把口叫得切但係隻手都反應唔切，比佢地直接得分。

「估唔到會比小雪偷襲，睇黎我要重新認識你啦」我笑住講

「好多野阿健哥哥你唔會明」小雪講

之後我地兩邊都平分秋色，比數居然4對4，只要攞一分就會分到勝負，估唔到可以打到你來我往。

「最後一分啦」我講





「就等我打低阿健你啦」阿晴邊笑邊全神貫注集中望住幾時有氣墊球出。

「黎啦」又一次詩雅提醒我，估唔到詩雅動態視力非常好。

我把握機會直接打去龍門，點知比小雪救番出黎。

「估到你啦，阿健哥哥」小雪佢馬上將個波撞牆反彈過黎，我都馬上回應番佢快速打番轉頭。之後兩邊互有攻守，打得難分難解。

「呢個打低你啦」阿晴一個拉弓準備出全力打番過黎。

詩雅輕輕打過去阿晴果邊，阿晴用力想打番過黎。點知過波速度太奇怪，阿晴miss左無打中到，直接入到龍門，我同詩雅成功贏番局遊戲。

「打得好呀，詩雅」我想同佢give me five,但知佢無拍過黎反而同我十指緊扣一齊。

「成功左啦，下一個挽咩好」詩雅牽住我就手問





「今次比你地諗啦」我對傻韋佢地講

傻韋望一望成個場，突然話想挽賽車遊戲，咁我地幾個人就跟住傻韋行左去賽車機到。

「邊個攞第一就就個贏啦」我講完之後就行過去賽車機之後坐低

「唔通跑最尾贏咩」傻韋好串咁講

「知啦，阿木」我對住傻韋講

「我係咪都輸啦，我估阿健佢地贏，幫小雪你地燈下佢」阿晴講

「係喎，阿晴你輸左兩場啦，估唔到咁快」詩雅笑住講





「仲笑人，等我燈下你地，詩雅今場等我幫你挽」阿晴邊扮嬲邊笑

「比你啦，我唔係太識挽呢個」詩雅比阿晴挽之後企左起我後面。

「好啦，準備啦」我準備好曬4部機，差在未揀車。

「我要渣GTR我要渣GTR」傻韋起我格離個位講

「你渣GTR，死左啦」我學番頭文字d嘅對白對傻韋講