風之軌跡（校園，戀愛，籃球）: 回憶深處 中

時間尚早，我同詩雅就起附近行下，行到籃球場附近停左落黎。

「呢到有個籃球場喎，有d手痕」我講

「你都無帶籃球，點打呀」佢對我講

「我自然有方法啦」我講完之後行左入籃球場

我走左去問其中一個人可唔可以一齊打，佢都好樂意一齊打波，我相信無人會鐘意一個人打波嘅。





詩雅坐左去一邊望住我打波，我都估唔到我有身之年可以有囡陪去籃球場。

打左一陣，我突然聽到詩雅把聲，我就望左過去。

我見到有幾個男人圍住詩雅，我馬上走左過去。

「靚女，做咩一個人坐起到呀，同我同去挽好唔好呀」其中一個男人對詩雅講

「唔關你事呀，你地同我走開」詩雅對佢地講





「哈哈，我最鍾意d口硬嘅女人」個男人講完就捉住詩雅隻手。

「放開我呀」詩雅不斷反抗

「你地同我放手呀」我衝上前拉開佢地

「你呢個𡃁仔好大膽呀，居然阻我溝女」佢笑住同我講

「呢到係籃球場，有d咩就用籃球解決」我好認真咁講





「哈哈，𡃁仔你係咪傻架，我做咩要同你打波，直接打你重好啦」佢邊大笑邊講，佢格離個兩個朋友都一齊大笑

「你係咪驚輸呀？」對佢d 咁嘅人最好就係用激將法

「你講咩話，打咪打囉，驚你呀」好明顯激將法成功

我拖住詩雅落籃球場，我同佢1on1

「我地打細分一球1分三分波2分，入左波果邊開波，邊個5分就贏」我同佢地講

「得啦，打爆完你之後要好好調教下果條女先」佢邊望住詩雅邊對我講

我問人借左個籃球，之後比左個籃球佢開波先。

果個男人開波，佢一個三威脅刺探步想試下我，睇黎佢係識打波。





佢三威脅之後一個加速切入去左邊，好彩我都根得上。

佢去到左邊內線位一個fade-away,我就算跳到盡都係block 唔到，比佢一個打板1比0。

「頭先唔係好串啦，咩籃球場解決呀，重話我驚輸，睇黎輸嘅係你喎」佢大大聲咁講驚死其他人聽唔到咁

又係佢開波，今次佢三威脅之後直接摌入禁區。

佢速度好快，差d追唔上。

佢直接無視我嘅防守一個上籃。

我已經飛埋身過去都拍唔走個波，直接一個上籃得分，2比0。





我因為落地失平衡跌低左。

「哈哈，會唔會太廢」個男人又串

「阿威，阿威」佢個兩個朋友不斷叫囂，原來佢叫阿威

「想同年年學界都入四強嘅籃球名校嘅球員打會唔會太天真」佢對我講

我第一次感覺到無力感。

等等我記得以前細個都試過，慢慢我嘅記憶都番黎。

細個果陣，我屋企有d問題，所以成日都出去打波出去挽。當時有個同我住同一棟樓嘅女仔成日根住我一齊挽。

點知佢都因為屋企嘅問題所以去婆婆屋企住，我見佢同我一樣嘅情況成日一個人，所以就成日叫佢一齊挽。





我記得重儲左好耐零用錢同佢去睇戲，正正就係睇秒速五厘米。

睇完戲之後佢同我講要番去阿媽果邊住，唔會番去婆婆果邊。

細個嘅我邊到明咁多，以為佢過幾日又番黎一齊挽。

天真嘅我重以為我變強佢就會番黎一齊挽。我一直同大過自己嘅人打波，希望變強，變到有能力搵佢。

結果，佢一直都沒番過黎，我就慢慢唔記得左佢。

宜佢就係叫詩雅。