風之軌跡（校園，戀愛，籃球）: 風之子 下

對面都開始發力，對面個控衛過半場後傳落去企起禁區頂嘅中鋒手上，佢一野撞入去籃低。

我地隊嘅中鋒完全防唔住，比佢一個籃低鈎手刷板輕鬆得分，比數8比4。

可能對面開始知道我地隊有3個人唔係太識打波，佢地張集中力放起我同傻韋身上。


我一過半場，對面宜家double team 我,放左我地隊嘅小前鋒。

咁我唯有拉出多少少嘅距離，一個傳波傳去禁區前嘅小前鋒。





點知佢籃低炒粉，比對面中鋒攞番個板。

佢再馬上打過快攻，傳左比行緊去我地半場嘅大前鋒手上。

我地無人追得上，只可以睇住佢入波。佢重要一野籃低灌籃，全場嘅觀眾都為佢歡呼，一下只我地嘅士氣大減。比數8比6。


「等等果球等我黎啦」傻韋好認真咁同我講。






我點頭表示同意，之後正式開波。我一如既往控球過半場，對面隊又同上一球一樣三分線double team 我。


今次我見到傻韋一個無球跑到我嘅後方。我一個扮射波fake 起果兩個防守者，再一個後手傳比後面嘅傻韋。

make 傻韋嘅分衛想上前防守，但係比我同佢嘅兩個隊友擋住。傻韋一個三分刷板射入，比數11比6。


傻韋笑著咁講「傳得靚呀」






我回應番佢「好彩入炸，唔入就7到核爆」


佢覆我「無事嘅，炒左咪攞番個板再射囉，再炒再射再炒再射」


對面開波，開左比跑緊半場嘅得分後衛手上。佢叫左個大前鋒過去想幫佢pick 走傻韋。


「左邊有pick」我大叫提示傻韋

對面見pick 唔到，佢地個個大前鋒就順勢跑去後面一pick 一pop 直接傳去大前鋒手上。一個大空檔三分，今次終於射入，比分11比9。






我見到比分拉近，睇黎都唔可以留氣。今次一開波，我直接加速過半場。

對面重係想double team 我，我一個double crossover 直接過左佢地，跑入禁區頂。


佢地個中鋒都過埋黎防我，我見到左右兩邊嘅隊友都係大空擋，但係我知比佢地會炒粉。

所以我無視對面個中鋒直接拉桿上籃得分，我重故意傾向佢地個中鋒果面，順勢倒地扮犯規。同我諗嘅一樣，吹左佢犯規，上罰球線。


輕鬆一射，一個穿針，打左個and 1。比數14比9。


對面一個快開，開到比得分後衛手上。過半場後傳左比射入過三分嘅大前鋒手上。





佢一個fake 就fake起左我個隊友，佢直接跑上前想上籃。

我地嘅中鋒上前保位，對面大前鋒見我個隊友上前保位，佢直接拋個波上天，佢地嘅中鋒直接一個alleyoop(空中接力），直接一個爆扣，比數14比11。


我見到計分版邊嘅阿晴都好似有d為我緊張。我望一望佢，我舉起手指公示意唔洗擔心，佢都用一個OK手勢回應番我。


「唔好溝女住啦，專心d打波啦」無啦啦比傻韋串。

「得啦，開波啦」


又到番我地開波，今次我叫左傻韋去控球，最主要原因係我開始無氣。





傻韋過左半場之後想過佢地個分衛，但係過唔到。


佢見過唔到又傳番比我,我攞番個球睇左下對面個陣，係用緊全場盯人戰術，睇黎佢地想追分。


我一個切入，切到左邊禁區外嘅位置，一個step back射波唔入彈番出黎。


傻韋直接上前攞返個板，再一個fade away，直接穿針得分，比數16比11。


我見到差少少就贏到，唯有用盡所有力氣，見到對面傳波比得分後衛果陣直接偷波。






咁嘅情況下，對面重有兩個人會起我前面，分別係我原本mark 嘅控衛同埋個中鋒。


我用盡我嘅所有氣，利用背後運球過左mark 我嘅控衛。

我望番後面見到傻韋已經跑到三分線差唔多嘅位置，我直接一個彈地傳波傳過左上前防守嘅中鋒。


傻韋攞到波都順著個勢上前上籃得分，起大空檔嘅情況下輕鬆射入。比分去到18比11，射多球三分就贏!


對面見到有輸嘅危機，唯有張希望留比佢地嘅三分手大前鋒手上。

控衛帶球過半場直接傳比大前鋒。佢一攞到波同上一次進攻一樣fake 左一fake。我地隊嘅大前鋒又比佢fake 到，真係人類總是犯同樣的錯誤。


今次佢無跑入內線，宜選擇一個三個起手。個波起個籃框上彈左幾下，到最後都係彈入左。比數18比14。


到我地開波，今次都係由傻韋進攻。佢過半場後，對面都make得好緊，唔比傻韋有起手機會。


今次輪到我幫佢pick 啦，我走過去幫佢做左個單擋。


佢都利用我個擋想射個三分完場，點知對面換防快左好多，又再一次防死傻韋。


佢見時間唔多，就傳番比我。


我攞住個波，唔知射好定上籃好嘅時間，我地嘅中鋒終於走左過黎pick 。


今次個pick好到位，我利用個單擋出黎嘅幾秒空檔一個三分波射出去，直接穿針射入，比數21比14完場。