【穿越】【三國】 流離者(不定期更新): 17

長髮男拔出他的長劍。

我全神貫注地觀察他的一舉一動。

他向前一個踏步,恐懼伴隨著壓迫感襲來,我慌張退避,錯亂間,與小南一同跌倒在地。

我真係好撚廢!

一個踉蹌的跌倒,使我跌入絕望的深淵。






。。。


劍遲遲未向我斬下,我抬起頭,只見長髮單膝跪下,把長劍平放於地上。

「我條命可以畀你,請你幫下阿瞞。」長髮男一改那輕挑的語氣,畢恭畢敬的說道。

我頓時給不了反應。





「你知你哋信我唔過,你要劏要殺我都絕不還手,但你念在阿瞞嘅氣度你救下佢。」

「你咁好打,又無啦啦求我,點解我要信你呀!」我連忙執起短劍指向長髮男。

「正如你所講,我要殺你易如反掌,但殺你一介草民求生會敗壞阿瞞嘅名聲,我可以身敗名裂,但阿瞞唔可以。」語畢,長髮男拔出長劍,把右手拇指斬下。

拇指是握力的來源,沒有了拇指就連拿個

「咁你信啦!」縱使拇指被斬,長髮男聲線亦豪不顫抖。





長髮男氣若泰然,而我卻被嚇得瞠目咋舌。

雖然十分驚恐,但我卻他這種傲人氣概所震攝,亦為他的惜友之情所感動。

這就是我一直嚮往的強者氣魄。

「對唔住呀小南,我地之後可能會惹到麻煩。」我轉頭向身後的小南說。

她含著淚的點了點頭。

「我會救佢,但有條件!」

「你要教我用劍。」

我上前把那年輕人背入小屋中放低,解開上衣,只見他側腰有道長約二十厘米的傷痕,似被利器所傷。





「傷口好深......我去攞啲草藥嚟......」小南以細微顫抖的聲音說。

然後我們三人折騰了好一番,終於把年輕人的的傷口處理好,順便亦長髮男的傷口都處理掉。

不經不覺,陽光已經消失得無影無蹤。

「你都攰㗎啦,要好好休息!」小南溫柔的說道,然後戰戰兢兢的把熱湯遞給長髮男。

「多謝你哋!」長髮男嚴肅的道。

「唔洗多謝啦!你之後好好哋教我劍就得!」












「阿瞞,身體點?行唔行到?」

「身體舒服咗好多。」

聽到對話的聲音,我模糊的睜開雙眼,看到昨天還在昏迷的年輕如今已生龍活虎似的與長髮男對話。

痴線㗎!琴日仲死下死下,訓一晚就咩事都冇,古代人都係咁勁呀。

「咁我哋走啦,再唔係就追到嚟!」長髮男拉着年輕人步出小屋。





等等先!喂而家打完齋唔要和尚呀!

「喂!你又話要報答我哋,而家劍都未教我就走!」我憤怒的追出屋外。

「原本為防你走漏風聲應該要殺咗你哋先啱,而家我留番你條命就已經係報答咗你,況且我都冇應承過教你劍。」長髮男語調又重回那輕挑的語調。


「你.......好狗!」我憤而拔出短劍。


「既然你想學,咁就先教你兩樣嘢!」長髮男左手拔出長劍衝向我。

他先是一下橫掃,俐落的掃走的手中短劍,再把長劍橫架於我項前。

「第一,狡詐,以生死作為賭注嘅劍客,要不擇手段咁欺騙敵人,令自己有可乘之機。」





說完便充滿殺氣的向我迫近,我折服於其氣勢之下,腳步一浮做跌坐在地。

「第二,膽量,劍客嘅比武之中根本冇恐懼嘅時間,要有殺敵嘅氣勢,更要有死嘅膽量。」

「而你連執劍嘅資格都冇!」長髮男劍尖指着我說。

打鬧的聲音也把小南吵醒,她連衝。

「你太過份,點可以咁對我哋嘅恩人。」年輕人斥責道。

「阿瞞而家唔係你任性嘅時候,快啲走!」

「嗖~~」一支短矛劃空而過,在年輕人的手臂上畫出一道血痕。