【穿越】【三國】 流離者(不定期更新): 9

「丁原,唔通就係嗰個河北巨猿丁建陽,好!俺早就想會一會佢。」關羽興奮的說道。


「河北巨猿?」我不明所以的道。

「家承兄你既能知道無人知曉的小事,卻不知天下間大勢?」張飛揶揄道。

「張兄唔好笑我啦,我呢啲正式鄉下仔,久居深山,加上家訓係修身莫問世,自然唔了解天下大勢,小人才疏學淺,以後仲有大把嘢要請教張兄。」一滴冷汗沿着我臉頰直流。

這滴冷汗並不是因為這突如其來的難題,而是因為張飛城府之深,比我想像中更甚,將來的道路將會十分難走。





「不敢!李兄身懷奇技,我等山野村夫豈敢言教!」

「三弟你就唔好再為難小兄弟啦,佢久居深山,唔知天下大勢都唔出奇。」劉備勸道。

「如今雖仍為漢室天下,自人稱西涼狡狼的董仲穎入主京都,漢室早已名存實亡,而割據一方的諸候中江東猛虎孫文台,及河北巨猿丁建陽三人名號最響。」劉備解釋道。


「西涼狡狼董仲穎為人奸狡無比,而旗下西涼狼騎隊踐踏胡兵無數,於平原之上可謂無人能敵。」





「至於江東猛虎孫文台正直不阿且能征善戰,部下山越兵個個勇猛非常,上山下海,遇敵百變。」

「接下嚟就係二弟頭先提到講河北巨猿丁建陽,佢身材異常高大,足有九尺(古代
九尺大概等於英尺六尺九寸半),手可及膝,力大無窮,但為人脫俗非凡,與世無爭。雖然丁建陽無心與天下英雄角力,但其麾下陷陣營卻天下無雙,佢哋喺山林之中,行動迅速,矯捷自如,在郊野之內,神出鬼沒,詭異莫測。見過陷陣營的敵軍無一生還,所以被敵人稱之為「山之妖魅」。」劉備長篇大論,顯然要把丁希這鞋擦得漂漂亮亮。

「哦,原來丁原咁勁㗎!」我訝異的道。

「丁將軍威名遠播,讚頌之聲不絕於耳,今見丁少爺之風範,足證虎父無犬子絕非假事。」劉備莫視我的反應轉身便向丁希繼續阿諛奉承。

「英雄過獎啦,父親據山自保,難與天下英雄爭鋒,但要說無人能犯卻絕不為過!係啦,還未知英雄大名?」丁希問道。





「我姓劉名備字玄德,佢係我二弟名關羽字雲長,仲有我三弟張飛字翼德,哩位少俠係李昆明。」劉備逐一介紹我們。

「見過各位英雄!」丁希豪爽的回禮道。

「大家平水相逢,而且同路,何不結伴而行呢?」劉備順理成章的邀請。

「唔係喎,我哋仲未玩完喎!」丁雲玉反駁道。

「小玉,我哋帶你出嚟已經冇聽阿爹講,你唔好再咁任性啦!」丁希語氣稍微強硬起來。

「唔制啊!」丁雲玉的聲線尖銳得我全身不禁顫抖了一下。

「小雲唔好咁啦,我哋本身都唔係嚟玩,係嚟修練㗎下次再同你嚟玩啦。」丁邂一如既往溫柔我勸着丁雲玉。





「下次!下次!下次又要等幾耐!你哋自從我十三歲之後就好少同我嚟呢度玩啦!」丁雲玉不滿的申冤。

「好啦,唔好嘈啦,下個月我帶你哋出去第二道玩啦,好冇?」丁希有氣沒氣的安撫道。

「真嘅?你唔好呃我呀!」

「係啦,係啦。」丁希輕撫丁雲玉的頭。

丁雲玉這才綻放出滿意的笑容。

「我妹妹刁蠻任性,還望見諒,我等有幸結識各位英雄,何不與父親大人一聚?」丁希滿臉誠懇的說道。

「我先唔刁蠻...」看到丁希眼神,才收斂起來。

「能與河北巨猿結交當然求之不得!」劉備滿是欣喜。





「咁就坐言起行啦,此處離晉陽府中還有一段路,要趁早行多段路,以我哋騎馬嘅速度應該行多三日就到。」丁希舉手指畫着。

「三日?」我驚訝的說道。

「係啊,好快就到啦㗎啦,我哋哩頭十分熟悉,自然比你哋快。」丁希自豪的說道。

「......係喎,又真係好快喎!」

都唔記得左哩度係古代,三日又真係幾快喎

但我係現代人吖嗎!石屎森林就話住得多,真係森林?點過三日啊!大小二便點算?訓地下呀?食樹皮呀?救命啊!

我心裡滿是怨言,卻只能埋藏於心底,我這久居市區的都市人,就連露營都未曾試過,要我於深山中過三日,我就只有不安。









。。。

痛苦嘅嘢真係諗都唔想諗...






「劉兄,呢道要下馬步行啦,前面就係「常夕之林」,大家請緊隨我等。」





不知不覺眼前已被一遍樹海所遮蓋,樹海長得異常的茂盛,大樹們的枝葉交錯重疊,樹林的頂部被弄得密不透風,而茂盛的樹海中央位置卻離奇的空蕩蕩,就宛如一個洞穴的入口,而放眼看過去只有一遍漆黑,陰森詭異,直叫人望而卻步。

「「常夕之林」未就係嗰嗰被人稱為「山妖洞窟」嘅詭異林森林?」強如張飛亦頓時面有難色。

「冇事嘅,有我哋喺到。」丁希說畢就闊步而前。

我們亦不敢怠慢,緊隨其後。

丁希一行人豪不猶豫的走進「常夕之林」,僅十步之隔,丁希一夥已沒入漆黑之中,在我眼前消失了。