[最新有甜][鬥智] 畢業搵唔到工，我誤打誤撞咁加入左跨國毒品集團做trainee: 五，道友和南亞人的嘉年華會（上）

睡醒的時候，已經差不多到約定時間，我馬上坐的士回去中文大學，這個過去幾年我成長的地方。
 
晚上七時多，新亞的canteen人流不算很多，大概是因為已經是暑假的緣故，但又還未到Ocamp的季節。
 
「Peter，咁急搵我咩事？」阿豪說。他是青年服務團的團長，是其中一個我認識過最正直不阿的人。簡單來說，就是可以為朋友兩脅插刀，為伸張正義而死，為最愛的人而生存的漫畫英雄人物。
 
我們在中學的時候已經是同學，中學的時候他在學校義務舉辦一些甚麼補習社，說要幫助貧困的同學，是老師的寵兒。
 
本來我是很討厭這種人，因為大多都是假仁假義，但他連對我這種無賴，也是非常尊重而且關照。所以我決定也關照一下他。
 


「其實係咁嘅，阿豪，我知道你一向都非常熱愛社會服務，亦都對香港嘅低下階層非常關心。最近我有一個計劃，係可以幫到好多深水埗嘅低下階層。」
 
「竟然係咁？」十分意外滿分，他給9分。
 
「我之前都有叫你加入我哋青年服務團，但係你話『要返工，不了』，拒絕左我幾次，到底依家係因咩原因突然有一番大志呢？」他大惑不解。
 
「無，話說我今日去咗淺水灣。同深水埗個名咁似，但係就係一個完全唔同嘅地方，我真係好感觸。我望住個海，喊咗好耐好耐。我喺度諗，點解淺水灣嘅人就可以有優質嘅生活，深水埗嘅居民同樣都係香港人，就要活係水深火熱之中？世界實在太唔公平啦。」
 
這個不是謊言，是現實。我也想要糾正這個問題，為什麼淺水灣的人就可以享用高質毒品，深水埗的市民就要吃白粉混玻璃碎呢？明明他們都是有經濟能力，有政府的資助，交完劏房的租金之後，肯定可以至少買1至2克純正的可卡因。
 


就好像召妓一樣，每天花錢跟肥婆做愛有意思嗎？我們能夠提供世界上最漂亮的女孩子讓他們這群人操過夠，也算是一種救贖吧。
 
更何況，插過女神之後，他們就再也回不了頭。
 
「冇錯！資本主義係萬惡㗎！」他是學校著名的左翼分子。我說的話正中他下懷。
 
「好可惜嘅係，我哋改變唔到資本主義。我諗左好耐，我覺得我哋可以做到一啲野，你有冇聽過明哥飯盒？」
 
「當然有啦，深水埗明哥，我哋青年服務團個個都好崇拜佢。」
 


「我打算效法佢，為社會嘅低下階層提供飯盒。」
 
「但係你都識講，明哥已經做緊呢件事啦。我哋何必又多此一舉？」
 
「有少少唔同，目標唔同。我哋主要服務嘅人係講一啲吸毒成癮者，佢哋其實每一個都好希望可以戒毒，好可惜嘅係，政府冇合適嘅配套同埋政策去幫佢哋。」
 
「嗯...」他陷入沉思，「咁你諗住點幫佢地？」
 
「同明哥一樣，用飯票換飯盒，吸毒者拎飯票過嚟，我哋就分配飯盒比佢哋。我哋嘅飯盒有咩咁特別呢？我哋已經同政府傾好咗合作條件，我哋機構可以喺美沙酮戒毒所以外分發美沙酮。我哋會將美沙酮喺煮食嘅過程混入去飯盒入面。」
 
「你諗下，想戒毒嘅人有時就係欠缺一啲嘅推動力，見到美沙酮冇咁好飲，又冇咁開心，就選擇去逃避戒毒呢一條出路。」
 
「但係...」
 
「阿豪，唔好但係啦。你想唔想都做深水埗豪哥？」我問。


「呢一層...」他心動了。
 
「我哋已經搵到善心嘅人同我地買咗大約一千張嘅飯票，因此飯盒嘅供應同埋運送，你唔需要擔心，我同我班朋友會自己搞掂。你淨係需要派人好好咁樣去搞一個派對，邀請一啲係水深火熱、好需要你哋青年服務團去拯救嘅道...毒品成癮者，可能提供啲娛樂、表演比佢哋，提供一個地方比佢哋一齊食飯、聚餐。」
 
「但靠佢哋每一個人嘅力量係唔足夠，加埋你地，Drug! Together! Strong! 佢哋嘅命運由你改寫。」
 
「咁偉大嘅事，點解你唔自己做？呢個係一個好大嘅功勞...」他又猶豫起來。
 
可能我說的話有點太過動聽，但說謊的技巧在於，你必須在你的謊言入面，加上一些真話。
 
例如...
 
「老實講，其實我係有私心嘅。」
 
「畢業之後，我搵唔到工。唯有決定去學廚，整飯盒，做廚師呢份工真係好辛苦...日日對住個爐，熱死辣辣，搵得雞碎咁多。」


 
「唔怕老實同你講，送出去嗰啲飯盒全部都會係我一手一腳自己整，其實賺得唔多，搞手只求打個和，扣埋人力物力租金運輸成本，1000個飯盒，我最多賺$1000。」
 
對，每個飯盒賺1000左右。
 
「Peter啊，咁樣賺錢係唔啱架。」
 
「但係我好需要呢筆錢，你知我阿媽...唉。如果係我自己整嘅飯盒，我又出面，咁實在係會惹人閑言閒語。我唔想咁，我想搵到兩餐飯食之餘，我可以盡人事幫下個社會。」
 
「...既然係咁，我應承你。」終於跌落陷阱了！
 
「豪哥萬歲！『豪哥愛心飯堂』，我名都幫你諗埋啦！」
 
「估唔到中學搞義務補習社，而家又搞免費飯堂...」他又興奮又害羞的說。
 


計劃暫時大成功。
 
現在是時候簡單整理一下我整個計劃的版圖。
 
首先是需求鏈。我們的目標受眾是一班深水埗的道友，他們這群人，寧願不吃飯、推自己的女兒去做妓女，也要吸毒，不停的吸毒，因此這個需求是長做長有的。
 
但是問題在於，我們四個並不認識這群道友，基於遊戲規則，亦不能親自接觸或者尋找他們，因此我們必須透過一個「媒介」，而我們的媒介就是道友明。他已經開始幫助我們售賣「飯票」。
 
「記住，藍色嘅飯票係5g，賣$6000、紅色嘅飯票係3g，賣$3600、黃色嘅飯票係1g，賣$1200。千祈唔好搞錯啊！」
 
另一方面是供應鏈。我們手頭上已經有足夠的可卡因，問題是要如何送到這批道友手上，基於遊戲規則，我們又需要另外一個「媒介」。
 
對了，就是「豪哥愛心飯堂」。青年服務團由今日開始就會替我們工作，用做義工的名義組織活動，讓道友合情合理合法地在一起「聚餐」。我們會把可卡因放在白飯的最底層，根據「飯票」的顏色分發不同的「飯盒」。
 
這個方法有兩個好處。


 
一. 由於青年服務團出師有名，活動是非常健康。所以即使聚集道友，也不可能會有警察在場，近乎100%安全的活動。
 
二. 青年服務團是義工，而且他們對我們在枱底做的事完全懵然不知，在這方面要付出的成本是零，除了要支付買飯盒每個$20的成本，還有答應了道友明的五萬蚊以外，我們可以賺取接近全數毒品的收益。
 
這樣阿明一邊收錢、阿豪一邊發貨，我們幾個人除了要製作「飯盒」之外，不費吹灰之力，就可以坐享其成。
 
我們贏定了！