[最新有甜][鬥智] 畢業搵唔到工，我誤打誤撞咁加入左跨國毒品集團做trainee: 二，可怕的鳥咀人和他的狂犬（下）

「我哋係執行部嘅人。相信你哋都應該從Avgle或者Thisav兩位人事部靚女身上，大約知道我哋公司嘅架構。」他說，原來還真是有Thisav這個人。
 
「我叫做灰鷺，執行部嘅主管。身後幾位係我嘅同事，旺財係我養嘅其中一隻寵物，相信如果大家繼續返呢份工嘅話，自然有機會會認識我哋。喺呢度唔逐一介紹。」
 
「執行部顧名思義係負責公司好多實質執行嘅工作，當然我哋幾個並唔係執行者，只係背後嘅策劃者。大家會喺我哋呢個部門順次序咁樣，學習毒品交易、物流運輸、以及製作毒品三樣執行上好重要嘅工作。至於採購原材料，就會交由財政部去負責培訓。」
 
「當然，以上嘅工作都需要長時間嘅訓練。唔知道大家有無忍耐力可以留到嗰個時候。」叫灰鷺的男人繼續沒帶有一絲感情的說。
 
「今日要做嘅嘢，我諗啱啱旺財應該同你地交代過，如果你哋聽得明狗嘅叫聲嘅話。哈哈、哈哈。」他笑，但我完全沒有感受到他的喜悅。
 


「10g嘅可卡因，總值大約$12,000港紙。最快完成任務嘅五個人，可以挑選下一次培訓嘅兩個隊友，頭三名可以獲得10萬蚊嘅獎金。冇任何規矩、冇任何特定銷售對象，當然係除咗自己之外，總之賣完，你就可以進入正式嘅培訓，正式咁樣受聘於我哋。」
 
「好抱歉。唔能夠先同你地介紹詳細嘅業務內容，因為喺出糧畀你地之前，我必須確定你哋嘅實力。」
 
「之前明明講過通過面試就會聘用，點解而家又要再過一關？」金毛再一次不怕死的大叫。
 
救命，情況就好像你剛才得罪經理，老闆進來救了你一命，然後現在你就選擇去得罪老闆。我閉上眼，完全不敢看接下來的情況。
 
灰鷺緩緩的走向金毛，用帶着黑色手套的手輕輕的撫摸着金毛的臉。
 


「太抱歉了。因為今年我哋接收嘅人數實在係比較多，所以冇辦法唔篩選一下。」他居然道歉了。
 
「如果你哋認為呢個做法係唔恰當嘅話，我哋歡迎你依家離開。同之前講過嘅協議一樣，只要你唔公開我哋嘅存在或者報警，我哋就一定唔會騷擾你地...同埋你哋愛嘅人。」
 
「相反，如果你哋選擇唔遵守諾言嘅話...保安都係我哋執行部嘅職責。」他一邊說，一邊輕輕的摸著金毛的頭髮。
 
「小朋友，我嘅收藏庫仲缺一隻金毛尋回犬。」他冷冷的說。
 
「我唔想對你吠啊，唔好阻撚住曬。」金毛竟然這樣回答，我真的很佩服他的勇氣。
 


「唔使吠...」灰鷺說，「識吠既尋回犬我已經有啦，我差嘅嗰隻係唔識吠。」
 
他轉身走回桌子那邊，兩個他的面具隨從隨即捉住金毛，然後把金毛拉向地盤工地的黑暗地帶。
 
「啊！！！放開我啊！！！你班仆街！！！」金毛大叫。
 
「啊！！！！！！！屌！！！！！」他繼續叫。
 
「嗚....」
「...」他安靜下來了。
 
「唔好意思，我本來都冇預計有咁樣嘅情況。阻礙大家嘅時間實在太抱歉。」
 
不，這是很有效的方法。他並非因為無聊或者一時意氣所以要將金毛用殘忍的方法殺掉，他只是想用這個方法告訴我們，他口中所說的懲罰所言非虛。需知道今天晚上的任務非常危險，大概會有很多人被警察帶走，因此必須確保他們不會透露可卡因的來源。
 


當然，其實我們對於這間所謂的公司和這批管理公司的人，除了代號之外，完全一無所知，即使我們報警，香港警察也不可能受理。這算是雙重保險吧。
 
「總之今晚麻煩大家啦...」灰鷺叫身後的隨從分派每人10g的可卡因，我們三個拿到後馬上跑離40樓。
 
參賽者瘋狂從地盤工地內湧往後樓梯，上下兩層的升降機擠得水洩不通，我們沿着樓梯跑下去。
「仆你個街，販毒定係做運動啊！」軒問。
「搭lift啦不如，咁急做乜姐？」航附和着。
「你哋聽唔到嘅咩，鬥快啊。贏咗先可以揀隊友，你哋係咪想之後分開做訓練？」
 
我說，「仲有啊，呢度係中環，換言之一陣啱啱嗰班人就會湧曬去蘭桂坊，如果我哋唔搶先一步賣走手頭上嘅毒品，你等住留返成晚自己吸啦。
 
我們用平常見到女宿友時候狗沖的速度，一口氣跑下去。
 
「你老母好撚攰呀！」我們一邊跑一邊大叫。