[高中][少甜]《如陽光伴我》: 三十一，來自過去的那些信物 （中）

 我刷刷眼睛，晴原來已經坐在我的身旁…糟糕了，我還是處於勃起的狀態。

「你醒啦？」她拿著一碗粥溫柔地問。
「啊…係…」我臉紅紅的有點尷尬，當然她不會知道為何。

「你好似精神少少？」她笑著說。
「係…啊，sorry。」我有點內疚的說。
「Sorry?」她不明所以。

「啊，算啦。無野。唔該曬你。」我伸手想去拿她手上的那碗粥。


「熱啊！」她用口輕輕的吹著湯匙上的粥水：「蠢材。」
「唔該曬你…」

我慢慢的喝著粥，粥有一陣淡淡的清香，我很久沒有喝過這樣好味的粥了。我本來就比較少大病，而且就算病了也不會怎樣戒掉，上一次是我還在跟「姨姨」還有我的叔叔一起住的事實，叔叔病了，我喝姨姨多煲出來的那些。

「大哥哥，其中我第一次見你就想問。你隻Fossil錶係壞嫁，點解仲要帶住？」她注意到我放在床邊的手錶，一邊餵著我一邊問。

「唔係壞…只係時間唔正確。」
「嘻…兩者有咩分別？」她笑著問。
「吾…我諗壞係唔想，時間唔正確係我自願。」



她放下粥，小心的拿起Fossil手錶研究起來，又對比她的手錶的時間。
「時間係慢左7個鐘…點解既？」
「係英國既時間。」
「你好喜歡英國嫁？」

「唔算係，不過我以前鐘意一隊叫阿仙奴既球隊。」我說。
「啊，我老竇以前都好鐘意阿仙奴嫁！諗返起細個…佢成日休漁期都會抱住我睇波。」
「對唔住，提起你唔開心既事。」



「唔係啦，不過佢失蹤前成日鬧佢地呢幾年輸到阿媽都唔認得。」她想起失蹤的父親的往事，甜笑著。
「的確係，大概係因為我。」我說。
「嗯嗯，一定係你。但就係因為咁？因為阿仙奴所以要調校一個錯誤既時間？呢種事聽起來完全唔合理啊！」

「唔係，只係…我想時刻記住英國既時間。」
「點解啊？」

「因為…一個女仔。」我說。
「你鐘意佢。」
「啊，大概」

「你好愛佢！」她問。
「...嗯。」

「大哥哥，我好想知啊！你鍾意既女仔係點嫁？」


「唔知點講。」我說，也沒有很想提起。
「喂呀，你要守諾言㗎。你要同我分享你既故事，係三個願望既第一個願望。」她說。

「真係唔識講。」
「好啦唔逼你，不過你咁好，我估你鍾意嘅女仔都一定係好好。」

「部份正確。我唔好。」我說。

「我哋而家閱讀卷冇呢個選項㗎啦！」她笑我年紀大，然後說：「鐘意人嘅感覺係點嫁？」

「成日諗住對方。朝思暮想個嗰種，好想對方同自己講嘢，但係又好驚自己會打攪到對方。願意為對方付出一切自己擁有嘅嘢，但係唔會要求回報。當然最好係可以擁有對方嘅愛。」

我說：「但係如果只係得一方有意思，又或者大家期望唔同嘅話，就會好似有一種撕心裂肺嘅感覺，心臟好似比500公斤嘅巨石壓着，透唔到氣，做咩都冇曬心機。」

「好似明明地，我有時都會有咁樣嘅感覺。」她問。


「你好細個姐，小妹妹。」

「我成熟過你呀！中二病！」她說，大概她說沒錯，「啊，真係唔可以講你同嗰個女仔既野？好想知啊！」

「我從來冇試過同人講。貓就有。」我說，摸摸在我身旁懶洋洋的躺著的橙。

「我好樂意同埋會好榮幸可以做第一個！」

「吾...好啦。」不知道為甚麼我很信任這個女孩，甚至比對軒的信任更高，可能是因為她也一樣無條件毫無理由地信任著我。

『我想你打開我，我都想可以打開你...』她在我的夢中這樣說。
 
我花了三個小時，將我和心如在中五發生的事說了出來，由對她鐘情說到她移民去英國之間的所有事。我斷斷逐逐的停了好幾次，大概是這些故事的完整版本，我甚至沒有對自己說過。橙也一直乖乖在旁邊聽著，搖著尾巴，好像覺得很好聽一樣。明明她早已經聽了幾十遍。詩晴也同樣細心的聽著，不像平常一樣，完全沒有打斷我的說話。
 
「你真係咁多年來都係咁蠢㗎！」晴說。


「我依家已經唔同咗好多。」
 
「冇變過啊，你成日收收埋埋，其他人點會明！」她責備的說，然後又有點失落起來，「心如聽落係好好好好嘅女仔...如果我有佢一半就好。好羨慕啊！」
 
「唔係。每個人都有自己嘅特點。有好多你有嘅嘢佢都無。」我說。
「例如呢？」她甜笑著問。
「樂觀。」我說。
 
「我當你係讚我嫁！」
「我係。」
 
「仲有…原來睇盧根既時候，你係戲院借比我個件藍色外套係買比佢！我仲一直唔記得還返比你…」
「傻啦，已經唔重要啦。」
 
「點會唔重要啊！到底之後你同佢發生左咩事？」她心急地問。


「下次再講啦，今日講得太多。」
「喂呀，講埋佢啦！」她說。
 
「等到時機成熟嘅話，我就會講埋落去。」
「衰人！橘子！打佢！」她拍著我的頭，橙在旁邊助攻，兩個都對於我賣關子感到非常不滿。
 
「我病…人…咳…」
「唔好扮死啊你！！！」