閃。燃: Warm Up Game：只欠東風

「留意人地個波！唔好信人地既身體動作！」

一把聲如洪鐘的號令響遍全場，在比賽的最後一分鐘嘗試喚起自己隊伍的士氣,可惜也是徒勞無功。

眼見自己隊伍的隊員陸續被擊殺,隊長頓時萬臉俱灰，等待著完埸的嗩子聲。

「比數２２：18，雙方球員握手。」

裁判宣佈比賽完結。





回到場邊後，隊長一邊氣喘著，一邊跟我們進行賽後檢討。

「我係練波果時提過大家既野去左邊？唔好發夢，唔好彈個波出界，轉身要快，望實個波！你地落到埸做緊咩?turnover又多，d​波又俾人偷曬。」

「我哋只不過係臨時拉夫過嚟湊夠人數出隊，你冇理由要求你咁多嘢ga wow！」

「臨時演員都係演員!你哋練習嘅時候既態度都唔係太好，點會有好成績呢？」

「我哋都係因為呢一度有機會攞冠軍，方便我哋到時有credit去做有關體育嘅工作先至嚟打波，你而家連冠軍都攞唔到，咁我哋留低都冇意思，我哋走！」





接著，有5名隊友便頭也不回離開了會場。

「到底我哋隊究竟爭啲乜嘢到冠軍？ 已經連續輸畀科院五年，人哋出面都笑我哋係千年老二！」隊長不忿地說。

「其實，我哋萬事俱備，只欠東風!」

一名身高大概一米六五，表面看來不是那麼強壯的隊員跟隊長說。

「阿T， 你指既東風係乜嘢？ 炮手有我同Anson，防守有你同Marcus，馬騮有兩位高佬，鬼有寫輪眼，加埋其他喺體育系抽入嚟嘅外援，我哋仲爭啲乜嘢？」





「一個可以控制比賽最後30秒嘅絕地王牌， 擁有非常人嘅比賽思維同運動智商， 用奇招去致勝!」阿T回答。

「最後30秒法則？你指嘅係嗰個人喺比賽嘅最後黃金階段會突然進入無人之境既狀態，全情投入去比賽，用最短嘅時間去用奇招打反擊戰，或者拉開自己同對手嘅分數，從而得到勝利？」

「冇錯，喺閃避球界入面暫時只有三個人有類似嘅特徵，其中兩個就係科院入面！」

一名高高瘦瘦， 頭髮的齊陰以遮蔽了雙眼的隊員回答隊長。

「寫輪眼，記住我哋下一個學期就要主力招募呢一類嘅新球員，我想喺我自己畢業之前贏到科院，就當係我嘅畢業禮物!」

「係大家嘅畢業禮物！」

Anson，Marcus，阿T及寫輪眼異口同聲地回答我。

「為咗你哋咁多位，我哋兩個都會盡力去協助你哋！」





那兩位身高異常突出的球員也回應了大隊。

BGM LIst:
https://www.youtube.com/watch?v=72MeeEMDXps