痴漢聯盟: 0 序章
港島銀行
' 開金庫 '
面罩男用手槍頂住銀行經理 威脅佢打開金庫
' 哦？我吾打開金庫你就會打死我？'
銀行經理不慌不忙咁反問蒙面匪徒 ，但係頸上既細汗已經出賣左佢
' 無錯 ，你吾開門我每半分鐘打死一個人 直到你開門為止 '
' 我開門比你我咪照死 你覺得銀行會放過我咩 ？'
[ 砰 ]
身旁既女職員應槍倒地
' 銀行的確吾會放過你 不過會放過你D同事 '
面罩男笑騎騎咁望住銀行經理 雖然佢蒙住左塊臉 但係好明顯佢既話語中帶住數分嘲弄
' 陳經理 求下你打開道門 我吾想死 '
一個同佢日日撐枱腳既職員大嗌
' 老陳你平時咁好人 求下你睇在我地一場同事份上 打開個金庫啦 '
呢個係佢既朋友 ，前年先啱啱靠自己開後門比佢入黎做野
' 陳經理我仲有屋企人要養....'
另一個趴喺地既職員大嗌
' .... '
' .......'
' 哦～原來你姓陳 陳經理一定好好手段先坐上呢個位
吾係既話 又點會咁多人想你死呢？'
陳經理聽到佢地講既野後眼神暗淡左吾少 彷佛心中不斷掙扎
時間一分一秒咁過去
佢已經沉默左就黎一分鐘
' 唉 見你眾叛親離 我就幫你洩下憤啦～！'
[ 砰 , 砰 , 砰 ]
面罩男連開數槍將頭先出聲既人全部擊殺
' 你宜家開心返哂啦 '
' 大佬 你搞掂未呀 出面警察就到啦 '
另一個戴住頭套既匪徒從門口走左入黎
' 冷靜D ，做人要GENTLEMAN D '
面罩男叫頭套男稍安無燥 然後繼續同跪喺地既陳經理講野
' 我數多十秒 就多一個死架啦 '
' 10 '
' 9 '
' 8 '
' 7 '
' 6 '
' 5 '
' 4 '
' 3 '
' 2....'
蒙面男舉起槍瞄準一個孕婦
' 咪住！我打開 我會打開金庫 '
陳經理終於肯打開金庫
但係又突然講左句
' 不過我吾係好記得個密碼 我需要去櫃桶搵下 '
' 好 , 比你30秒 '
蒙面男放低槍 比陳經理半分鐘既時間
陳經理走到自己張枱前
手忙腳亂咁摷嘢
終於 ，佢喺30秒完之前搵到自己想要既野
一把放喺櫃桶底既手槍
[ 唰 ]
陳經理熟練咁解除安全裝置
對準蒙面男就係一槍
[ 砰 ]
.
.
.
[ 滴答 滴答 ]
鉛製既彈頭溶化成液體滴左喺地下
燒焦埋旁邊張地氈
陳經理驚恐咁望住蒙面男面前突然出現既火幕
' 佢識噴火...? 吾係一定係我痴左線......啊啊啊'
陳經理竟然嚇到暈左
' 嘖，暈左 ? '
[ 轟 ]
蒙面男人逼問金庫密碼吾成
直接用炸藥破開金庫防爆門
---
[ bee buuu bee buuu.... ]
警笛聲響起
大批警車從全港各區趕黎
香港咁細 就算發生左嗰件事
佢地到達呢道亦只需耗時數分鐘
全副武裝既特警從警車中跳出黎
佢地已經形成左包圍圈
宜家只需要等班匪徒出黎
就可以完成搞掂收工
當然佢地吾知自己要面對既係咩
以為只係十幾個不知天高地厚既自大狂想挑戰81特區既司法制度
' 鄭Sir 偵察小隊既無人機一入去就失靈 , 裏面既溫度足足有至少50度.....'
' 50度? '
戴老花眼鏡既指揮官好似諗到左D乜 ,
即刻打左個電話
---
[ 突突突突突突... ]
' 鄭Sir , 呢度喺IIO第六作戰小隊
請即刻將重心轉移到疏散市民
並清空兩條街內既所有人
喺 , 無錯 包括在內警察全部都要走 '
兩個灰色長袍人正搭乘無人直昇機前往港島
佢地就係鄭Sir聯絡到既支援
IIO既危機處理小組
(INHUMAN INVESTIGATION ORGANIZATION 非人類研究組織)
雖然呢個係佢地既第一次任務
但係佢地一D都吾驚
又或者係因為佢地注射左〔 冷血 〕藥物
' 「 李 」 , 你覺得一陣間同我地打既人會係點架? '
' 「 周 」 , 無論係點
佢地都會死 ,
如果吾係中央電腦認為我地佔優勢 ,
都吾會派我地去 '
' 嘛....'
代號為 「 周 」既長袍女人仲想講D野
不過 佢地已經到達左目的地
銀行四周濃煙四起
擺明已經開左拖
' 班凡人又高估左自己 ? '
「 李 」不滿道
從20米高既直昇機跳下
觸地前一剎 某種力量將" 李 "托住 令佢穩穩落地
而「 周 」就選擇硬著陸 直接縱身一跳
[ 咚 ]
「 周 」狠狠咁撞落喺地 但佢慢慢爬返起身
拍拍身上既灰塵 , 竟然毫髮未傷 !
' 我留喺出面 , 你入去搞掂佢地 '
' okok '
「 周 」直接從直門闖入
沿途吾少燒焦既屍體 有平民既 亦有警察既
喺頭先搭直昇機既時候 佢已經背熟左銀行地圖
根據佢既原先推斷 應該仲有一半以上既劫匪留喺大堂防守
但係宜家一個活生生既人都無
" 呢種情況我淨係可以去金庫lu "
「 周 」心里面正諗緊去邊既時候
[ 叮 ]
電梯門打開左 ，就正正係蒙面男二人！！
' 大佬 ，有個女人 '
' 奇勒 D人吾係死哂架咩 '
蒙面男拖住一個大布袋 相必裝滿哂金條
呢個時候 「 周 」亦發現左佢地 於是直直咁行過去
' 有古怪 '
面罩男抬手就係一個火球飛過去
「 周 」走避不及 ，
被火球直接命中 ，
[ 轟 ]
熊熊烈火瞬間吞噬左「 周 」既身軀
但「 周 」依然繼續佢既步伐 ，無停低
而佢身上既火好快就熄滅左
只留低零星火屑喺身上
' 嗯？類似消防員既裝備....'
「 周 」突然加速 以掌為刀 猛然劈喺頭套男條頸
[ 錚 ]
頭套男全身泛起一層金屬既光澤 與「 周 」既掌刀擦起一行火花
擋下左致命既殺招
' 呢個就係你地夠膽搶劫銀行既資本？'
「 周 」輕聲詢問
' 無錯 '
頭套男與面罩男一前一後
頭套男喺前同「 周 」打白刃戰
面罩男喺後不斷放火干擾
' 既然400度既火炎傷吾到你 咁睇下800度得吾得！'
一個熾熱既火球直接砸落「 周 」腳下 雖然無直接命中
但係身上既防火長袍已經變到破破爛爛
白皙光滑既肌膚從中透露出黎
引起頭套男二人一陣燥熱
' 哼 ，就等我燒到你全身精光啦哈哈哈哈哈..'
面罩男凝聚一個巨大既火球 其溫度係之前既高左吾少
錯 係數倍至啱！
面罩男穩定好火球後 馬上一野掟過去！
[ 轟隆 ]
火球飛行既時候內部仲不斷爆炸
如此強大既威力
如果避吾開「 周 」必死無疑！
「 周 」不斷走避 ，但係同時巨大既火球亦如影相隨 ！
八 米！
六 米！
五米！
四米！
眼見火球越黎越近
三米！
兩米！
「 周 」既眼中已經充滿絕望
[ 僕 ]
火球突然喺空中熄滅左！
' 呼 '
與死亡擦肩而過既「 周 」無力咁攤坐喺地下
佢已經無心戀戰
面罩男吾知點解火球會突然間消失
但佢亦無多諗 重新凝聚一個新既火球
' 大佬，我 ... 我呼吸吾到 '
一旁既頭套男突然除下頭套 大口大口咁透氣
' 喂 ，吾好除低個頭套 比人見到點算？ '
' 大佬我透吾到氣我 .. 我.......'
頭套男突然暈低係地
令面罩男意識到係佢手上既火球將周圍既氧氣燃燒殆盡
於是佢即刻整熄個火球
並嘗試叫醒頭套男
' 喂 細佬 你醒下 喂! '
但係頭套男既心跳越黎越慢 瀕臨死亡
' 係咪好想知點解佢會窒息呢 '
一把女聲從面罩男身後不遠處傳黎
正正係「 周 」
面罩男猛然回頭 大聲質問「 周 」
' 你到底做左D咩 ！你吾講我就殺左你 '
說罷 ，佢右手指尖又凝聚左一個小火球
' 我勸你吾好咁做 ，
你越使用能力
你就越快死
你以為我淨得一個人？
我仲有條友喺出面架 '
「 周 」吾快吾慢咁同面罩男對話
' 你吾覺得空氣有D悶熱既咩？'
' 咩話？！'
面罩男除下面罩 佢一直以為空氣燥熱係自己使用緊能力既原因！
' 你究竟做左D咩！！'
' 我既隊友可以操控所有氣體
佢頭先一直將氧氣從銀行抽出街外
不過 你細佬既死都係因為你頭先整左個咁撚大既火球消耗哂D空氣喳 '
' 臭雞！食屎啦.......'
面罩男比「 周 」激到失去理智 徑直沖向佢度
但似乎忘記左跑步需要更多既呼吸
頓時缺氧抽筋 失去重心
仆左喺銀行既大理石地板上
' 咁點解 ....點解你會無事... '
面罩男臨死前吾甘心咁問
' 點解？因為我係吸血鬼囉～'
---
[ 踢噠 踢噠 踢噠 ...]
身穿長靴既「 周 」從銀行中走出
' 你搞掂嗱？'
企喺門口既「 李 」問 ，手裏面仲揸住本 老人與海
' 嗯 ，死左好多人 '
' 銀行吾會理死左幾多個人
佢只會理佢D錢有無少到 '
' 你成日咁冷血點得架 '
' 凡人都係早D死比較好
世界吾需要D無能力既人 '
' 哼 ，你咁串都係因為你既能力勁喳嘛 '
聽到呢句 「 李 」陷入左沉思
「 周 」講得無錯 佢操控氣體既能力的確算得上係無敵
但係面前既「 周 」吾需要呼吸
如果日後反臉 ，佢將會好棘手
' 喂 ，要走人啦 '
「 周 」既呼喚叫醒左諗緊野既「 李 」
「 李 」收起本書
隨即跳上左無人直昇機............
------
「 李 」
能力 ＝ 氣體操控
評級 ＝ A＋＋
---
「 周 」
能力 ＝ 吸血鬼
評級 ＝ A＋＋
---
〔 冷血 〕
軍用震定劑 ，能大幅減底使用者既恐懼，不安等情緒