因為一次意外我獲得神奇力量可以隨心所欲，結果........: Ch.4 點解仲係咁多野煩(4)

在這時候母親來電，余立信感到一點煩厭地接聽。
 
「阿信，我今晚同朋友去睇大戲所以唔煮飯啦，你一係搵阿爸食飯啦，自己照顧自己。」
 
「得啦得啦，我都好忙，你睇大戲開心啲啦。」
 
余立信匆匆掛斷電話後就馬上致電父親，他想起很久沒和父親單獨吃飯了，也許可以藉此機會修補彼此關係再籍口給錢他買回壞掉已久的洗衣機。
 
「阿爸你係邊？你果邊咁嘈既？」余立信聽到話筒一方嘈吵不堪。
 




「哦…我係出面…係喎阿媽今日睇大戲咁你自己食飯啦。」
 
「我諗住收工搵你一齊食飯之嘛，做咩你唔得閒呀？」
 
「係呀…我好夜返呀，你自己食啦…」
 
然後父親就匆匆掛斷電話。余立信覺得十分可疑，剛才父親吞吞吐吐好像有點事情隱瞞。母親的確是去看大戲沒錯因為那戲票是自己託朋友買回來的，但父親這時候竟獨自外出真的有點託異。
 
余立信回想剛才電話嘈吵的背景，他聽得出是一些關於本届電腦節的推銷對話，那他應該是在深水埗一帶活動。
 




余立信決定馬上前往看看是甚麼一回事。
 
深水埗面積雖然不大但尋找一個人實在不容易，余立信不禁覺得自己太魯莽，他經過了深水埗一條繁華的街道，這裡都是電腦數碼產品的集中地，他從前也是愛好者之一，經常百無聊賴地在這些商舖穿梭瀏覧，總會買一些電玩遊戲或書籍回家然後沉迷玩樂好打發孤獨的時間。
 
越過這兒轉往另一條大街，兩旁都站立了為數眾多的寛頻電信銷售站，銷售人員努力地遊說途人使用自己代表的品牌服務，這是一份不容易的差事，余立信年輕時也曾是其中一員，當時他的志願就是當個銀行經理，沒想到今天他成功當上而且十分出色。
 
余立信開這條街就不想再前進了，因為這地方都是遍佈三教九流的人，父親應該不會在這裏出現吧，此刻他心急如焚想馬上找到父親看看他是否有甚麼隱瞞，不經意運用了力量。
 
余立信轉角走到了小巴站憶起父親曾經是小巴司機，一次意外後他不能再駕車了（長大後他才知道是債主尋仇砍傷了他腿部）。可能因為這樣子他變得窩囊，余立信一直其實希望能賺多點錢改變家庭生活，他現在做到了。
 




他更希望和父母的關係能夠改變…忽然間，他看到一個中年男人出現在公園的某一角落，正在把一個文件袋交給一個女人。
 
電視劇情才會出現的一幕活生生呈現在余立信眼前，難道還有甚麼比現在的事實更震撼啊？
 
余興告別了那個女人之後心情如釋重負，但他沒想到下一秒兒子竟出現在自己眼前。
 
「阿爸，嗰個女人係邊個？」
 
余興面對了人生最難答的問題。
 
XXX        XXX
 
深水埗某一茶餐廳
 
「飲啲咩呀？」侍應機械式問道。




 
「兩杯熱奶茶。」余立信機械式回應。
 
余興長久也沒有說話，余立信也忍不住道：「唔係唔出聲就可以當無事發生究竟個女人係邊個？」
 
等到奶茶來到余興呷了一口才道：「你呀媽知唔知道你黎呢度搵我？」
 
「緊係唔知啦！你好老老實實同我講啦，你同左個女人有幾耐？」余立信不難猜到是什麼事。
 
「幾個月囉。之前有班車友搵我敍舊之後飲大兩杯咪上左去囉。」余興不敢抬頭面對兒子。
 
「唉，你叫雞咪叫雞囉，叫到成舊錢比人都有？」
 
「條女好慘呀，最近佢屋企有事咪俾住幾萬銀佢睇醫生囉。」
 




「個個做雞都慘呀，你搭船都唔好沉船啦，你本身都唔係咁既人唔好再纏著呢啲女人啦。」
 
「我知我知，我以後唔會再見佢。。。你呀媽真係唔知？」
 
「乜你好驚俾佢知咩？驚你就唔好做啦。。。」余立信想了一會道：「果幾皮野我同你鯁左去，然後買返個新洗衣機佢唔會懷疑你今晚去左邊既。」
 
看著父親鬆一口氣的模樣余立信實在十分失望，雖然父親是懦弱膽小但卻是對妻子極度忠誠的好丈夫。但估不到這樣的男人也會偷腥，長期已久父親唯一的優點至今極告幻滅，他潛藏已久的問題終於出現：
 
連老豆都去滾，咁我係咪應該好多女人至啱？
 
XXX        XXX
 
酒吧凝聚著一個人的鬱悶。
 
Jimmy在分行附近酒吧喝著悶酒，終於看見等侯已久的Michael來到便問道：「乜你咁遲既？這輪好多野做咩？」




 
「依家我做緊checker check account，仲要拍住肥Joe條契弟咪日日都做到八點幾至搞掂。」
 
「原先應該係Anna part住肥Joe check喎，點解無端端變左係你呢？」Jimmy不解問道.
 
「之前anna俾肥Joe性騷擾嘛，Chris咪攪佢入去做RM Assistant囉。」
 
「佢老味又係Chris，乜佢真係咁能把炮成間分行玩哂咁。」Jimmy憤怒得把酒喝光，酒杯大力拍在桌上。
 
「依家佢的確係惡哂，連counter九成都係佢既人，我最能慶係Connie個八婆含完我果碌就走去幫Chris含，本來有幾個客係我開既戶口佢竟然介紹俾Chris。」
 
「係咪你滿足唔到佢呀，但都冇可能搵Chris呢個牙籤仔啦。」Jimmy揶揄道。
 
「挑佢老母我嫌之前打得個八婆小。Bank Hall出面佢個仆街一個人玩哂啦，你RM果邊環境？」
 




「咩環境，阿Sue同Stanley 幾個RM全部都係佢啲人。Chris都唔知食左咩春藥咁利害，自己到數又可以餵數俾其他人，個個當佢神咁拜。SRM呢個位本來係我坐，依家佢就坐正啦。挑！」JIMMY怒極道。
 
「嘩，咁我同你同病相憐喎，搶完我個位又搶你既，咁我地要做返啲野喎。」
 
 
 
「我都想質個仆街食屎，但唔係呢個時侯，其實玲姐已經好不滿佢既坐大，睇下佢幾時出手打擊Chris。」Jimmy眼神轉變了。
 
「我地都清楚鄭亞傑既資金來源大部分唔見得光，Chris以為我乜都唔知，查實我已經有佢入侵左我部電腦既證據，我扮低調扮廢柴佢以為我真係怕左佢。」Michael 也轉變了眼神，一個比Jimmy更陰險的眼神。
 
「咦？咁如果我地係適當時侯去佢背後插佢一刀，佢咁高撻返落黎幾能傷，我真係好期待呢一日既來臨。」Jimmy奸笑道。
 
「呢一日好快會黎，我睇下條仆街得戚得幾耐。」Micheal奸毒的一笑，一個陷阱已經準備讓余立信踏進萬劫不復的境地。