因為一次意外我獲得神奇力量可以隨心所欲，結果........: Ch.3 係時候改變下我既人生(4)

下班後兩人在旺角逛了好幾間商店，KIM就滿載而歸但余立信只覺得十分無聊，經過的電玩漫畫商舖都提不起興趣更惶論是買甚麼產品了，過了不久他提議在附近吃個飯休息一下。

「你睇下呢個手辦模型真係超正!」KIM正在把玩剛買回來的戰利品。

「食飯先啦，返屋企至慢慢睇 。」余立信沒好氣道。

「依家你對呢啲產品冇哂興趣啦，記得以前一出新野同啲特別版game 你就算唔鍾意都會買返屋企。」

「所以咪全屋都係垃圾囉，我仲有三副未砌好既模型係屋企，而且Gloria 都唔鍾意我買啲咁既野。」





「女人點知咁多野呀，佢地咪又係買埋啲無唔等使野。」

「年紀唔同左心態都改變左啦，依家係睇都睇下邊到有岩心水既樓準備第時結婚用。」

「咁快呀又諗住結婚啊，唔係諗住玩多陣先咩？」

我有咁樣講過咩？余立信心想，不過他苦口婆心地道:「你都係正正經經識返個女仔，唔好再沉迷係呢啲野度。」

「算啦，去老蘭溝女真係唔啱我。我知你為我好但係我始終都係鍾意Anna。」





余立信彷彿聽到個天大的秘密，一時間甚大反應道:「你鍾意Anna?」

「你唔係呀？好多同事都知啦。其實唔係肥Joe個仆街成日攪Anna我都唔會出手打佢。」

原來早前許經理任命Anna和Joe為本季的戶口checker ，Joe就籍故經常騷擾Anna，又向她發出性暗示的短信和說話。最過份一次是兩人共處一房處理戶口文件Joe竟企圖非禮Anna，Kim聞信怒極推撞Joe 以致兩人差點當場互毆。

余立信當然為Kim撐腰並把事情弄至總行介入，最後由許經理出面調停才告一段落。

余立信發覺自己有很多記憶都不存在，而且性格又轉變得小事化大：究竟我仲有幾多野係唔記得啦，死啦會唔會係力量既副作用？





「但係你都唔好同肥Joe 嘈咁會影響你係分行既名聲同前途。」

「你之前好支持我郁佢呀，點解依家一百八十度轉變？不過條契弟抽左Anna好多次水我唔打九佢我仲係男人黎。」

「但係佢有男朋友喎，Anna呢種女仔一睇就對條仔死心塌地果隻。」

「我又冇要求啲乜野，其實係佢身邊我已經好滿足啦，可以保護到佢都係一種福氣。」

說到這裏余立信已經不必繼續勸告，從前他會十分支持Kim這種思想，但現在只會覺得他極為愚蠢，明顯是自己的價值觀改變了。雖然他現在還會對Kim的友情不變可是日後呢？自從擁有了力量後他本人內心思想轉變極大，可能漸漸會變得冷漠無情。

我對靜婷也會一樣嗎？這是否一個考驗？這也是力量的副作用？



余立信似乎沒有因為得到力量而改變習慣，他還是像從前般帶著煩擾的心情回家。





對於一般人來說返回自己家中就能安樂下去，但他心情卻進一步煩躁因為吵架聲自門外已經傳出。

不過甫一踏入家裏那吵架聲便停止了，余立信並不覺得是甚麼好事。

「返黎啦，食左飯未？」

余立信的母親方珍語氣表面上非常平靜，很難想像剛才的她正在氣上心頭責罵自己的丈夫。

「又做咩事呀，我係門口已經聽到你們鬧交。」余立信皺眉，雖然他從小到大都看著父母經常吵鬧，但還是沒法習慣這種日子。

「你問下你老豆啦，明知自己唔識洗野又要亂咁攪，攪到個洗衣機壞左啦。」母親說完又回到廚房忙個不停。

余立信看著坐在沙發上的父親余興，眼睛雖然注視著前面的電視，但目光卻是呆滯無神。





「老豆，你做咩攪壞部洗衣機呀？」

「我邊有搞壞啫，我見啲衫積左咁多日，你呀媽又返工咪幫手洗下囉，點知無端端壞左。」余興嘀咕道:「咁部機都十幾年啦，之前都壞過幾次啦根本都唔關我事。」

余立信心想：咁你又唔駁返佢係到自己講俾自己聽。

方珍這時又騰出來嚕囌道：「樣樣野都整到壞曬，你估幾百萬未開頭呀，又要洗幾千蚊去買過部！」

「部機都十幾年啦，我俾錢買過部啦，唔好嘈啦。」余立信實在難以忍受嘈吵。

「比咩錢呀，邊個整壞咪邊個買囉，一啲責任都冇，平時懶懶閒。」

聽著母親繼續喋喋不休，毫無意義地不斷埋怨令余立信心情惡劣至極點，他很想反駁但只會沒完沒了地吵鬧，只好聽著母親不斷訴說父親的不是。

直到深夜，母親的說話還在纏繞著他的耳邊，如果父親不是一個懦弱的人，如果母親可以善解人意一點，這個家庭將會比較有溫暖，想到這兒長久以來對這家庭不滿已經到達極限，他決心要隨心所欲這個能力去改變。