《新香港，會食人的！》: 23

「……運輸署安排緊急接駁渡輪來往屯門經荃灣、青衣至中環、東涌經屯門、尖沙咀、北角至觀塘，以及尖沙咀經中環、灣仔、紅磡至九龍城；而原有嘅港內渡輪，包括天星嘅尖沙咀至中環/灣仔、新渡輪嘅北角至紅磡/九龍城、富裕小輪嘅北角至觀塘，同埋珊瑚海嘅西灣河至觀塘/鯉魚門航線，就維持有限度運作。同時各公眾碼頭亦聚集咗好多以點對點載客嘅水上的士，大多數係快艇或者舢舨，不過其實都係非法嘅……」電台廣播著最新消息。

我們在庇護中心裏，都各有憂慮。
我現在需要知道父母的下落，而他們原來於九龍灣飲宴。
而現在，Cindy和Ryan正往將軍澳。

我們似乎都要離開屯門。

所以我們一致決定，和Cindy會合。
不對，我們忘了Marco。





『Marco！』
「你地都決定好哂啦，唔駛理我啦！」
『唔係……只係』「你心入面得Cindy嘅啫，你有諗過其他人咩？Christine呢？佢係你條女嚟㗎！你剩係掛住Cindy唔駛理其他人啦！你……」
『你鐘意Christine？』
「Christine唔係你水泡呀，梁思敏！」

大概Marco說得大聲了點，似乎吸引到Christine和William的注意。
而我，真的不懂反應。





然後，我狠狠摑了他一下。
『收皮啦死毒拎，FF完未呀你！』

但是，他也許說得對：我根本是放不下Cindy。

不知道是基於罪疚感，還是基於感覺；但無可否認，一切都只是偶然地開始，再由我狠狠地結束。而且Cindy對我們這段感情的認真，我是所始料不及的。Christine是真的只是我的水泡？在排隊等登船的人龍中，我反覆思考著這條問題。

在屯門碼頭，人山人海。

有兩類人，一是往機場碰運氣的人；另一類是往市區的人。





我望向Macro。
他好像很不高興。

「喂你唔好打尖啊！」長長人龍裏，傳出了令人不安的對罵。
「嘩你惡人先告狀！」
「你就惡人先告狀！我排咗喺度好耐啦！」
「屌！下班船已經要等成個半鐘，我排去後面要等幾耐？」
「咁打尖就唔啱㗎啦！」

然後，兩人打起來。
沒有人調停。

我們至少要等三班船才可以經荃灣、青衣到中環。
兩個鐘一班，也就是要等六個鐘。





「同時各公眾碼頭亦聚集咗好多以點對點載客嘅水上的士，大多數係快艇或者舢舨，不過其實都係非法嘅……」對啊，這些水上的士可以一試。

這時，我們也決定一試。

走到慧豐園碼頭，登上一艘快艇。「去邊？」船家問。
『荃灣。』在荃灣落船，是因為那裏可能有白牌車，比水上的士稍便宜。

望向大嶼山，大、小磨刀；遠眺馬灣、荃灣。其實，香港很美。
但是，都看不見北大嶼山公路上有沒有車。
回望屯門，海翠花園、邁亞美海灣一帶的高樓，還有在三聖灣的小船們。

「到喇！」Christine叫醒了我。

我們一下船，便看到很多白牌車。




左邊是已經封閉的西鐵站，右邊是荃灣公園和如心廣場。而拆卸了的停車場大厦，變成了地盤，他朝一天會變成豪宅。

沿著馬路走過去，到了楊屋道和大河道交界。再沿大河道走上天橋，走到青山公路。

「砰」

在大河道天橋下，濺上一灘鮮血。

我趕忙打給Cindy。
『Cindy？』
「C Man，做咩呀？」
『阿維自殺咗呀......』