《新香港，會食人的！》: 17

(17)

『你地想就咁就放棄？你諗下成班喺西鐵站嘅人，成堆喺頌富俾人屠殺嘅人，仲有一大班無端端困住喺天秀墟嘅穆斯林！佢地要被人因到幾時呀？今日天水圍，聽日就成個香港喇！我地依家走到佬，咁之後呢？我地唔會俾人捉番入去咩？』
「其實香港不過係一個放大咗嘅天水圍啫，解放到天水圍，解放唔到香港呀⋯⋯」
如果是出自Ryan之口還算是正常，但今次是出自阿維。
「你真係忍心？我地有眼見㗎！仲有，你知唔知道入面有班喺天文台做嘅人，知道有颱風可能會打嚟香港㗎！天文台入面依家冇人做Forecast，我地唔放真相出嚟就大鑊喇！」這次出自Ryan的口，而非阿維。

「依家係政府人為封鎖網絡，人為限制燃油供應，根本就係要令香港變北韓！Cindy，我撐你！『言行一致，從一而終；誠如初衷，無悔無懼』！」是CM的聲音。原來CM、Christine和William都來了。
「唔好傻喇，by the way你係⋯⋯」阿維帶點好奇。
「我係C Man，佢前度女朋友。點呀？」帶點挑釁的一句說話。




『好喇！今晚就係衝撃之時，佢地肯定已經全面佈防，運動已經失敗咗，算啦。阿維，你走先啦，其他人留低。』
阿維見好似已說服我，就離開了病房。

『六國破滅，非兵不利，戰不善，弊在賂秦。賂秦而力虧，破滅之道也。』如果有人以為小恩小惠能攏絡當權者，就算其他人有多熱血也是徒勞。
「你意思係......」CM和Ryan同問。
『嗰個男人......係嚟維穩嘅......』
「嗰個男人？」CM、Christine、William和Ryan同問。
我把那個偷聽Walkie的人告訴大家。

阿維剛才說過，有一個男人在天秀墟「救」了我。




但我直覺告訴我，那不是救。

『William，Ryan，你哋去chok下佢，睇下嗰個男人做咗啲咩？』
「好呀......」William和Ryan離開了病房。
「我出去透下氣先......」Christine也離開了病房。
現在病房，只剩下我和C Man。

「Cindy，你無嘢呀嘛？」很久沒有和C Man單獨見面了。
『無......你想有咩事呀～』
「無......可惜你傷咗......不如咁......」




『你想幫我？』
「係。William同我講咗你哋嘅計劃，我想揈甩阿維照去馬，你O唔OK？」
『可以就最好啦......』現在我已經沒甚希望。

「Cindy，阿維話嗰個男人同佢講如果衝擊的話就會加強管制之類，佢信咗。」William和Ryan回報。
「咁我地揈甩阿維照去馬啦不如......」C Man說。

我辦好出院手續之後，便起程往天水圍。

和CM、Chris、Ryan和William一起走到兆康，登上往元朗的輕鐵。
阿維正跟著我們。

往天水圍的輕軌，橫跨了第一層鐵絲網。
現在是12:12pm。我們在屏山下了車。





我們發現，屏厦路並沒有佈防。
當然，屏山村不在封鎖範圍。

「你地想點呀？」阿維追上來。「只要我地乖乖地，入面啲人就會冇事！如果你地再搞三搞四，你想人地鎮壓呀？我唔會畀你地入去㗎！」
「你想點阻？」C Man問。
阿維高舉一支槍。

* *

『大佬TVB拍戲咩，你嗰支假㗎！』
其實是真的。不過算了，我們當阿維冇到，走進屏廈路。

一群人走出來。
不對，是跑出來。
在那群穆斯林領頭下，一大群被流放的人跑出來。





這時，多輛警車在屏山村裏衝出來。

「Cindy？落車喇。」Ryan叫醒了我。
唉，又是發夢。你說如果是真的就好了。

可惜，在Marco的手槍威脅下，我們所有人都只得就範。
我們沒有走進屏山，革命已經失敗了。

我和Ryan乘上了往荃灣的白牌車，準備離開。
至於其他人？他們全部大概回屯門了吧。

「Cindy！Ryan！」C Man叫住了我們。
「唔好走，William同Christine已經入咗去喇！」





就這樣，我們又回到屏廈路口。
沿屏山文物徑，經過鄧氏宗祠，我們一直向前走到聚星樓，全程無人阻止。
「Cindy！」William在輕鐵站裏，著我跨越鐵欄進入鐵軌。
Hello，天水圍，我回來了。

佈防明顯很差，很容易攻破。

我們雙手疊在一起，「學生運動，無畏無懼！」再壓下去。
Ryan不太熟悉這動作，但也跟著做。

『Christine，Ryan，你地去頌富睇下；William留低睇住；CM，你陪我去天秀墟。有咩事即刻放煙花求救！』那些煙花是在屏山村裏撿到的。

好吧，我和CM現在沿輕鐵軌，二十分鐘不到便到了天秀路公園。
球場裏有一堆警察正集隊。





我們沿天秀路，走到天秀墟。一個小警員正看守。他可能認得我。
「嘭！」其中一個鐵閘打開。裏面兩個人衝出來。
CM主動闖進去，干擾著警員；我則試試闖進墟內，才發現鐵閘根本無鎖。
我一手打開了一個鐵閘，然後逐行大喊：『No Lock！』

所有鐵閘都打開了。他們會走到那裏呢？

我和CM趕緊逃到天富苑，跑了一輪才到了頌富。
Christine和Ryan正在屠殺現場照顧生還者。
我們也幫忙統計生還者數目。

只有9人生還。

我們4人帶著9人，上到一樓輕鐵站，再沿輕鐵軌離開。

『Sorry…...』我的手原來正牽著CM的手。
「唔緊要......」CM說。

Ryan啤實CM，Christine也啤實我。

是但啦！反正我們又走回天水圍站。
那些穆斯林也走到天水圍站......不對，是正離開天水圍！
其他人也跟著走，全程沒有人阻止。

到我們跑到青山公路口時，多輛警車在屏山村裏衝出來。
但眾人敲打警車，警員也唯有徹退。

「Allahu akbar!（真主最大）」穆斯林們高呼。

「Cindy! 」William叫著我。「你地點呀？」
『無呀，我地OK喎。』
「Cindy，我同Christine都走先喇，你同Ryan保重呀！」

這樣，青山公路上各人四散，我和Ryan則施施然走上輕鐵。

輕鐵列車停在朗邊中轉房屋一帶。
「本班車暫停服務⋯⋯」大概又是停電了。

不過，天水圍之後，還有更多、更多。