三國江湖: 第61章 恩恩怨怨盡在一刀兩斷
P.183
我這一生也沒可能返回警隊，已經提醒劉元起安全至上不要急於拘捕，再引唐周入局。可惜！新聞報導說，姑爺文所住的單位有一裸女在床，安全救出，有可能是唐周的女人。因以前聽他說見過唐周的女人，好吸引！誓要把她攪上手。
香港警察和國際刑警北上追捕，一定要知會中國公安和公安一起參與。廣東省公安部全是張角和唐周的部下，有機會是唐周因桃色糾紛和姑爺文反目，因為只要唐周有心包庇。劉元起根本就辦不了事，應該是唐周刻意借刀殺人！
唐周買的軍火打算全運進香港，不去管到時肯定死得人多，相信背後一定有驚天陰謀。如果以香港市民身份報警，沒證沒據絕不會落案行動，想阻止他們，又沒有警察支援。
姑爺文和唐周關係弄成這樣，我現在唯一籌碼是當天滿載軍火的車。只有自己知道收藏在哪裏，反正唐周已給了錢，他又要求我們找門路帶貨去香港。他們掌管廣東解放軍，那愁沒有鎗？應該是非執行職務用途，可以肯定唐周是刻意隱瞞張角軍火私下收藏，莫非是搞政變？失敗後香港是他的退路？
但現在不要想太遠，自身難保！自從到金三角賣白粉到港做買賣，目的是引洪門公會成員入局。世事變幻無常，有一天臥底身份出現問題，自己就成了罪犯，結果這件事真的發生。幸好警察出生的自己，不會笨得留下證據，被迫幹的壞事，總有一天有可能被捕，今次行動代號是（金仔放假）我這個金仔必成警方追查對象。
另外不知道那個孫堅從什麼途徑知道我的身份？還有多少人知道？如果洪門公會全知道，那麼全港黑社會和警察也要追殺我，極大凶險九死一生！孫堅應該查到後，再講給Elaine知。可能Elaine為了維護我和孫堅講數被禁錮，他會對Elaine幹什麼？真的不敢想像！戲假情真我已經愛上她！我又要出賣她，她卻為了自己去冒險。就算貼了命！也要把她救回來！和她有沒有將來？我不知道，只知道這一刻情是真，活一天愛一天算一天！因為我的明天已經變得沒有明天！
想了又想，根本無心情備戰，決戰前夕他打電話給爸爸、媽媽和身在南太極國的前度女朋友甘梅，和他們閒話家常。關心一下對方，想聽聽他們的聲音，要有心理準備可能是最後的告別！他在家中不斷的喝酒，啤酒一支又一支的，拿起木結他自彈自唱，抒發心中感受。
真沒想過弄成這樣子！這是命！自小習慣危險，終於有著自由幸福和富裕的生活，甚至可以接管爸爸的商業王國。自己就是愛正義愛刺激愛冒險愛挑戰，自己拿來賤！後悔嗎？不後悔！想起自己以前拘捕的人渣，劉元起那種喪女之痛，那種渴求把姑爺文拘捕的眼神，全身好像沸騰起來，這情況叫作…熱血！
早上五時，夠鐘走了！他整夜沒睡，酒未醒，還吐了幾次，人意志消沉，兩條肋骨傷未癒。這狀態跟送死沒分別，但也無阻他的路！他用布包了一個長型物件，上了的士就去。風蕭蕭兮易水寒，壯士一去兮不復還！
孫堅輕敲Elaine房門：［Elaine姐，夠鐘啦！我哋準備咗早餐客廳等你。］Elaine梳洗後，見大餐桌上除了孫堅外還有四人，後面站著兩位女傭人。兩個高大穿西裝的男人目露凶光，分別是程普、黃蓋。另外有兩位穿上運動套裝的九歲男孩，態度相當嚴肅，根本和年齡不相襯。他們是孫堅的兒子，孫策和他的義子。當年他的好兄弟周異為他擋子彈而死，他的後人叫周瑜，這個叫周瑜的人有一張非常帥氣的臉蛋，絕世容貌！長大了他的外貌必比自己男朋友劉備更加英俊。
P.184
原來他們枱上的早餐還未吃，他們在等我吃早餐，真不好意思。四人整齊地叫：［Elaine姐早晨！］Elaine回應一句早晨，就一起吃早餐。大家全程沉默，吃飽上車，天未光就一干人直達下白泥沙灘。
Elaine到步後對孫堅有一個奇怪要求：［你而家搵條繩係咁咦綁住我對手。你哋實有鎗㗎？到時佢出現時你搵支鎗指住我，陣間Kenny嚟到，唔好搞到好似我引佢出嚟咁。］孫堅聽到又是為了情敵，不情願地叫手下照做。夠鐘了！天開始光，劉備還未到，已經六點半。孫堅等得有點不耐煩，反而兩位在學習的小朋友還沉得住氣。
他們兩位都是練武之人，生於社團，長大後貢獻社團。劉備搞什麼？他應該一早已到，莫非臨時膽怯縮沙！Elaine在想，我的男人絕不是懦夫，就算完成工作，他對我的情也是真的。他們把焦點集中在車路，這半小時一輛車也沒經過。日出太陽升起，好耀眼！這裏雖然偏僻，又是孫堅勢力範圍，但日光日白殺人未免太張揚吧！
不遠處傳來引擎聲，不是車是船。在海邊有舢板船，有一個男人開動駛往沙灘，是他，劉備來了！兩個男人為了她要拼個你死我活！
有哲人說過：［世上沒有女人，男人都當不成英雄！］Elaine大喜，五人開始緊張地進入備戰狀態。孫堅解開用布包著長長的東西，是東洋刀。
Elaine：［你帶四個人嚟，唔係隻揪咩？］
孫堅：［放心！佢哋出嚟睇嘢啫，同埋防Kenny會玩嘢！］劉備步入沙灘，看看形勢。他同樣解開手上布，暴露出東洋刀。
劉備大叫：［孫堅你死緊呀！］狀態十足的孫堅報以一笑，本身他的武功在劉備之上技高一籌，加上兩人狀態和心情的落差，距離已經拉開。拉開刀鞘，雙方約十步距離，開戰了！
雙方在等待機會，太陽照向海灘，耀目光芒好刺眼！劉備近岸邊，位置面向光更為輸蝕。他敵不過刺眼的陽光下不斷眨眼，好危險！高手過招勝負難分，主要看對方何時出錯。大好機會孫堅那會放過，一衝前堤起刀向劉備頭上劈去，好快！大有君臨天下之勢！萬夫莫敵！劉備未及反應，連提刀去擋也沒有，有如待宰的羔羊，危在旦夕！現只剩三步距離，劉備逃跑也來不切了！
Elaine大叫：［睇住呀！］
躲不過？
劉備的武士刀輕輕一扭，一股寒光直撲孫堅，就如武俠小說的刀光劍氣！未出招劍氣殺人！他到底是如何出手的？孫堅剛才一鼓作氣，沒退縮，但被劍光一閃，眨一眨眼。眼見可以把劉備頭腦一刀兩斷！劉備在最後關頭，突然從對方劈下的中線，向左急踏步，孫堅刀落空，形勢急逆轉！劉備變成在有利位置可傾全力作一記致命攻擊，好快的刀，沒法可擋的刀光劍影！無堅不摧！無快不破！提起刀用盡全力向他一劈！隨著對手這一劈，孫堅對她的恩，對他的怨，也會作一個了斷。恩恩怨怨盡在一刀兩斷！
劉備左右手攤開，單腳蹲下，孫堅如石像站立，時間有如停頓！孫堅手中刀被打掉，插在沙灘上。他右邊面噴出血花，多了一條深深血痕。剛才劉備那凌厲一刀，動作如行雲流水乾淨利落！要不是孫堅反應快，才不止刀劃開他的臉和打掉刀，已經身首異處。孫堅驚魂未定，他的刀竟然一招被打掉，真恥辱！完了！劉備勝利！要打不需要太花巧，直接了當，做英雄只需要一秒鐘！
劉備一刀架在孫堅頸上大叫：［放人！］突然有兩下鎗聲響起，第一鎗把劉備的刀峰打離開，第二鎗把刀打掉。開鎗者鎗法奇準，不是黃蓋和程普，竟然是兩位小朋友。
劉備大叫：［又話隻揪？咩嘢意思先？］
周愉：［放心！你贏！放人！］
Elaine就衝前撲向他，忍不住和他即場激吻，手牽手兩人回頭望孫堅笑笑，就離開沙灘，劉備為免弄濕她的腿抱起她上船離開。孫堅就用手掩面，看見他倆心裏難過得很！自己主動約戰，卻被人一刀打敗，丢面得幾乎枱不起頭！幸好今次是閉門決鬥，要不然威信全無，那能領導群雄。眾人離開，四人也不敢再提起此事。
P.185
Elaine：［你頭先真係好型！不枉我咁鍾意你！我見刀光一閃，佢就輕輕窒一窒，成件事你點樣部署㗎？］
劉備：［邊有咁多刀光劍影呀？你不如話九陽神功加電光毒龍鑽呀笨！只不過係把刀身反光燦住佢，咪就係咁之嘛！頭先我特登遲到嘅，要佢等到我心煩氣燥！我知佢哋多數揸車嚟，我就搵隻艇仔海邊等，就係要等太陽出嚟。佢哋肯定想喺黑夜殺人滅口，我冇理由畀佢牽住鼻子走㗎？行水路仲有個好處，就係如果對方反口，人哋駐重兵封路我都唔怕，肯定走得甩。我由水路嚟，咁我就一定係背靠海，元朗喺西面，太陽由東方升起，陽光照向海，佢背光，佢一定以為自己好著數。我專登扮畀太陽燦眼，佢一定會把握呢個黃金機會郁手，咁佢就實畀我陰到。同埋我等到日出最大原因，就係靠把東洋刀反光反射落佢隻眼。佢一定發夢都冇諗過突然有反光，優勢反變劣勢。佢一眨眼自然就會窒步，我順勢一扭身避開，佢自然會劈空。變相佢右邊身即時變成零防守，我就可以出招，即時搞掂！高手過招最重要等佢出現破掟，咁倒不如直接引佢犯錯墮入陷阱。我本身狀態十足都未必夠佢打，淨係尋晚妳被人夾咗，我成晚掛住妳都冇覺好瞓。好彩佢話玩命，就一定會用刀，先可以出古惑陰佢。其實呢一招我都係從宮本武藏對佐佐木小次郎決戰度學之嘛，歷史有㗎。不過就算畀阿孫堅睇到都冇用，人類從歷史里學到一個教訓，那就是沒有學到任何教訓！古惑仔唔食腦，十條命都唔夠死呀！］劉備明白，要贏就絕不能順著對手定的規則，那只會被人牽著鼻子走，最後一敗塗地。必須要製定自己的規則，爭取主動權，先下手為強！
他真聰明！智勇雙全，宅心仁厚，真是男人中的男人。有何女人不會愛上？哪管什麼年齡？不管了！就連江湖大家姐Elaine也如小鳥依人般依偎着他胸膛，以前面對任何男人也沒有這感覺，她真心馴服。
Elaine：［姑爺文被你害死咗，你仲嚟救我，你唔驚我殺咗你咩？］
劉備：［妳殺我係一回事，我救妳又係另一回事。如果最後被妳殺死，咁咪牡丹花下死做鬼也風流囉！咁都抵我死啦！］ 就算完成任務，臥底身份被揭穿也不理危險英雄救美，果然情聖本色！
劉備：［點解孫堅知我啲嘢？而又同妳有關？］
Elaine：［原來佢一直暗戀我得好緊要，佢搵人偷影我？影到我哋，而且佢一直懷疑你？就查你身份……］Elaine講出事情始末，除了和他的一夜情外。
劉備：［嘩！睇佢唔似喎！估佢唔到佢咁痴漢嘅！妳叫Elaine啫，唔係叫易灼呀。妳話佢晚晚望住妳啲相做咩呀？佢遲早搵妳個樣去做過矽膠公仔嚟玩，好似啲吹氣公仔Mary咁，我諗妳唔好叫Elaine啦，遲啲要改名叫Mary呀！哈哈！］
Elaine有點嬲：［好衰㗎你！個女朋友畀人咁樣，你都仲有心情講笑。］跟著本來還笑的她閃過一絲憂傷，這表情幸好他未看見，前晚我做了對不起你的事，因為孫堅玩的不是公仔，而是真實身體。而且過程她還感覺歡悅，她對不起劉備。
劉備：［話時話佢幫你尋人，又肯應承你保守我嘅秘密，雖然妳係食滑佢。但係一個江湖大佬，冇理由會就咁算？你同佢有冇？］
她不等他問下去，立刻抱著他的頭用熱唇封住他嘴巴，制止他再發問，兩人分開後。她深情地說：［無論將來點？我呢一世只會愛你一個！］
他回話：［我愛你！］ 這三個字是神聖和具威力的，愛是至死不渝，愛是包容，愛是恆久忍耐，愛是永不止息。
以他的智慧，甚會不知道她用意，為何刻意要制止我發問，如果沒有幹過只需要乾脆說沒有，信不信妳又是另一回事，那好明顯和他搞上了！我情願妳跟我說大話，她不想我問就是不想我知道。那知道又如何呢？我永遠也不想知道最終答案，那麼我還有空間，可以自己欺騙自己。有些事不應該知道，就不要去知道。她犧牲肉體，也只全為了我的安全。我那可以不愛她？只要她的心，回到我身邊就可以。愛是包容！
上岸後，兩人手牽手行一段長路去找的士，Elaine在分析往後事情：［而家形勢隨時差人拉理你，你要自己小心！劉警司死咗，你返唔到去當差，就算返到，只要孫堅反口，全香港社團一定追殺你。反而你留喺和英堂，我哋有一萬會員，唔係佢話郁就郁。但係如果畀啲手足知道你係二五仔，佢哋都會成為你嘅敵人，除非咁啦！本來我同你邊個做坐館都冇所謂，而家最好係你去做！萬一由我做，我有咩事走咗，甚至乎落台，再選過又未必選中你。我就當正常無事發生，但唔排除隨時單嘢揚咗，啲下屬會畀壓力我去處決你！陣間返到去，我會同四咸兼幾個元老講聲，推你上位，我就做你副手。四咸以前係我發掘出嚟，佢跟得我呢個人情佢一定還，但係咁樣都未夠安全。 ］
P.186
［過兩個禮拜聯發柴狼會以公會開聲討大會形式，開會處決張飛。以我所知張飛唔知邊度搵到班大陸豪客上賭船，佢一定會反收買九龍其他幫派。柴狼仲懵盛盛以為自己贏緊，只要冇外力幫忙，張飛一定打嬴聯發。你哋警方就會等佢哋鬼打鬼之後，順手拉人。以你喺我度偷番嚟嘅情報，柴狼、虎鯊一定唔死都坐一世監，人為財死，佢哋搞成咁活該！君子喻於義，小人喻於利，性格決定命運，佢哋咁嘅結局我一啲都唔意外，出得嚟行預咗要還。改朝換代，到時九龍剩返你同張飛兩隻老虎。張飛呢個人唔簡單！我喺呢行咁多年從來唔會睇錯人，你如果可以同張飛結盟，成個九龍就係你兩個。就算你額頭鑿住臥底兩個字，都冇人咁郁你！
四大天王個個實至名歸，孫堅雖然輸得畀你，你下次未必咁好彩。呢個人其實唔係少料，剩係由影我相開始、尋親、臥底全部佢都有本事被佢起晒真相出嚟。雖然佢檔嘢係佢老竇剩落，但係佢搞得比以前仲大，仲有系統，一個新界聯合等於六七個和英堂。不過佢咁鍾意我，只要有我一日，佢都唔敢搞你。至於嗰個曹生，搞金融地產出生，聽講好多大老細都要睇佢台戲，但佢又走嚟搞幫會。呢個人連我都睇佢唔透，深藏不露！四個之中佢應該最厲害！我諗好快，成個香港江湖，會畀你四個年青人玩晒！ 不久將來香港江湖形勢會更明確，三分天下！長江後浪推前浪，一代新人勝舊人。江湖都係時候要改朝換代！］
短短一席話，她已經將目前香港江湖形勢，分析得透徹，瞭如指掌。更點了劉備一條明路，怪不得一介女流有資格成為洪門公會常任秘書。如果這一對來自北太極國，智慧非凡的黑道情侶，攜手搞好和英堂。相信可以超越洪飛社，成為九龍第一大幫，甚至乎衝出九龍。
劉備：［你講得好啱！我都有咁嘅意思。］
Elaine：［陣間休息下，返公司開會搞選舉，而家好多會員都淨係想搵錢天下太平。阿文死咗，你嘅政綱就係挺而走險始終唔長遠。大家寧願搵五萬一個月安安樂樂，好過搵廿萬瞓唔著，我會安排啲生意轉手畀你。你考到雙花紅棍，做到啲前無古人嘅事，足夠迷惑人心！你會治得掂下面啲人，你夠料㗎啦！放心上啦！］
劉備：［好！就咁決定！］回到公司選舉過程順利，在没人反對沒有對手下，劉備當上新任坐館，發夢也沒有想過，當臥底最後竟然成為萬人之上的坐館！慶祝晚宴後兩人回到劉備住所，相擁著細訴心聲。
Elaine：［我聽日訂咗機票去南太極國，同家人團聚。一個月後返嚟，個位你坐定定先。直至到真正紮穩根基冇人咁郁你先。就算張飛唔肯合作，都盡量搞好關係。唔係單嘢一揚，洪門公會啲人夾埋搵人隊冧你，就算去到天涯海角都唔會放過你，就連我都會一身蟻。遲啲我接埋屋企人過嚟，睇準一到時機成熟，我哋就一家人遠走高飛，退出江湖去濟州島！我仲好想有BB呀！］
劉備：［好！我都想有咁嘅一日！］
Elaine：［發生咁多事，你有冇後悔過！］
劉備：［無！因為有你！］劉備突然有感而發，在家中拿起木結他自彈自唱，唱出一首當年很流行的電影插曲：［未曾後悔是甘心決定，莫問那可注定，若然是錯從不加領悟，命運究竟未明，現實理想難分得清楚，未讓兩手分開……］
原來只因深愛著！年齡、環境、人事、猜忌、懷疑、充滿危險和阻難，他們不可能毫無問題。還是選擇了浪漫地豁出去！大家也以為不可能，彼此愛上年長和年輕那麼多的伴侶，但他們一再衝擊（我以為）的一切，重新意識到為對方愛到徹底的感覺。自此大家的世界再不平靜，瘋狂的愛情只有兩個瘋子才會擁有！
浪漫激情的一晚，好可惜這次也是他們最後一晚！為何天公總要作弄世間情呢？