是咁的，照顧過我嘅護士死咗: 四百一十二、手起棍落

四周只有示威者嘅咳嗽聲同埋痛苦嘅呻吟，仲有齊整進逼嘅腳步聲。

「嗚啊！」

「唔好打呀！」人體被毆打嘅聲音。

心跳加速。

走，我要快啲走，被警察見到我就死梗。





我喺白色嘅催淚氣體下爬行，盡量遠離警方進逼嘅位置。

「我地做錯乜野！我地到底做錯乜野！嗚啊！」

「停手呀！！！！」

我喺地上爬行，淚水不停被刺激到飛出嚟，但我要就住唔可以爬太快，唔係我對手會骨折。

突然，頭上被黑影籠罩。





抬高頭，只見一個戴住防毒面具，手持警棍嘅防暴警察。

「唔⋯⋯好⋯⋯」

手起，棍落。