是咁的，照顧過我嘅護士死咗: 三百二十二、黃醫生

「啊⋯⋯係呀。」

個男人好似吳啟華，直頭妙手仁心嘅程至美咁，雖然戴咗口罩但都睇得出係個美男子。

佢個樣好易認，正正就係當日阿連急性酒精中毒入院嗰陣嘅負責醫生。

「呃⋯⋯你記唔記得我？」

「你係我以前嘅病人？」





「我朋友係。」

程至美尷尬咁笑笑：「唔好怪我呀，我每日接太多病人喇。」

「唔緊要唔緊要。」

程至美伸出手：「我叫黃𡈼匡。」

「我叫魏牘金。」





林林插嘴：「佢有脆骨症，握手唔好咁大力。」

黃醫生輕柔咁同我握手：「多謝你願意為我地一班前線醫護人員發聲呀。」