是咁的，照顧過我嘅護士死咗: 二百八十二、有少少唔一樣

德仔離開咗無耐，世界又繼續照常運作。

太陽依舊升起，但世界有少少唔一樣。

由於德仔嘅死引爆咗一直壓抑已久嘅醫護人員怒火，認為今次會出現醫療事故、以死謝罪同以死控訴嘅情況，主要歸究於醫護人員工作量太大。

因為病人太多，醫生護士人數唔夠應付，導致每個醫護人員都承受緊超負荷嘅工作量。

工作量大，休息時間不足導致近年醫療事故出現嘅頻率高咗好多。





上層政府嘅失衡，同社會結構引起嘅意外，最後就要前線人員背負罪行。

大環境嘅問題由醫護人員成為一隻隻代罪羔羊。

無醫生護士係突登造成醫療事故，只要係人類就會大意同失誤，必然會犯錯，但頻率愈嚟愈高就代表有其他原因引致多咗人容易失誤。

工時長、照顧病人數量多、工作要求大量專注力同專業技術、休息時間不足⋯⋯通通都係令人更容易犯錯嘅環境因素。

眼見同行業界嘅護士好多都辛苦到日漸消瘦、有精神病、情緒困擾甚至自殺，喺公立醫院嘅醫護人員決定喺休息時間進行抗議。





減少病人，本來依個要求並唔實際。但喺香港，病人嘅來源有一大部分來自每日一百五十個單程証。醫院無多過，床位無多過，人就日日增加，只有唔撚用腦嘅政府高官先會話單程証無增加醫療負擔。