是咁的，照顧過我嘅護士死咗: 二百七十、滅頂之災

「同你食啲野先？肚唔肚餓呀？」

林林搖頭：「我無胃口。」

我陪林林一齊行，睇嚟佢未想返屋企，喺廟街漫步。

入夜嘅廟街，周圍到係人，賣野嘅小店就遊客居多，而求神問卜嘅帳篷店就多本地年青人排隊。

「留步呀兩位。」





我同林林經過一間無人排隊嘅紫色占卜店，昏暗嘅店內放咗一張黑色嘅枱，上面有牌背朝天嘅搭羅牌。

開聲嘅，係一個笠住灰黑長袍嘅老婆婆。

我停低。

林林對占卜婆婆一面懷疑。

「請一定要小心，不久嘅將來會有滅頂之災。」





林林不以為意，微笑咁話：「唔好意思，我唔信依啲野。」之後就走開咗，我亦跟住離開。