是咁的，照顧過我嘅護士死咗: 二百四十、熄燈

媽媽走入嚟：「有個女仔喺你房仲畫畫畫，同人玩潛烏龜啦。」

「潛鬼咩，點潛都係我做烏龜。」

「十八子，伯母聽日返早，招呼唔到你喇。你地兩個自己搞掂啦。」

十八子敬軍人禮：「收到！」

「你睇時間，唔好畫太夜喇。」





「知道。」

媽媽叮囑完我就走咗。

十八子亦忍唔住打喊露。係喎，照佢個更表佢今日返七點，應該好早起咗身。

「眼瞓喇？」

十八子好似啲幾歲小妹妹咁捽住眼點點頭。





我房入面只有一盞大燈，所以我就收好畫具，熄燈上床。

「你可以繼續畫架喎。」

「費事盞燈殘住你吖嘛。」

「喔，好啦，早抖。」十八子攤喺地舖上面。

「去刷牙先啦。」





「唔制。」

「蛀牙你就知死。」

十八子猶豫一陣就乖乖起身出去刷牙。