是咁的，照顧過我嘅護士死咗: 二百三十二、陰影

但偏偏佢嘅行為話我知，我同林林好似有少少可能性。

唔係佢都唔會同我講換畫嘅理由啦。

「咁你講埋點解會唔搞野吖。」

我都洗好自己嗰份，交由十八子將碗碟抹乾。

佢猶豫咗一陣，娓娓道來。





「我諗係陰影嚟。我好驚⋯⋯會有bb⋯⋯」佢嘅手抓住自己嘅心口。

「就算係食藥定用套，都唔係百分百安全。而我只要諗到嗰幾個%會懷孕嘅可能性，就會好驚。」

因為佢做過家計會，眼見一次又一次嘅墮胎，所以每當諗到自己同男人發生關係就有可能成為手術枱被人墮胎嗰個，就會驚到做唔到。

心理上嘅恐懼影響生理，每次都會出現下體分泌不足同陰道痙攣。

久而久之，佢亦直接拒絕伴侶嘅要求。





「可能因為我真係生得幾靚啦，十個有十個同我一齊，都淨係諗住搞野。」

只係十八子無論心理定生理都未準備好。