是咁的，照顧過我嘅護士死咗: 一百五十二、德仔係女人嚟……

德仔喺放飯時間走咗過嚟，佢話探下林林順便食飯。

德仔拎咗佢個飯盒出嚟，係百變怪飯盒。

個飯盒設計真係超級慳水慳力，就係粉紅色，兩粒點同一條曲線，極低成本咁完美重現百變怪嗰個on9樣，盛惠三九九，買兩個有八折。



「乜原來係你整飯盒畀林林食架？」





「唔係呢？你以為依個工作狂會自己整飯盒咩？條友一返到屋企就瞓架喇，瞓醒就返工，唔會搞依啲女人野架。」

你係男人嚟架德仔⋯⋯

林林一路聽德仔話佢一路伸下脷咁，好可愛。

林林摟住德仔膊頭：「哎呀，咁我有你依個好姐妹幫我整飯盒架嘛～」

其實德仔係男人嚟⋯⋯





德仔打開佢個飯盒，就見到入面好搶眼嘅卡通人物造型飯團。



好啦，德仔係女人嚟⋯⋯