是咁的，照顧過我嘅護士死咗: 一百四十八、我個樣

林林望咗我輪，都仲係呆呆滯滯咁嘅樣。

「醫生話你血糖過低呀，餓到暈呀。你梗係琴日掛住同個大陸阿叔講野無食飯先搞成咁啦。」

我將買嚟嘅白粥打開：「本來琴晚買咗肥姐你食架，你暈咗就無法啦，轉咗買粥你食。」

林林慢慢移動身體，直至坐喺床上。

佢擦一擦眼角。





「做咩？」

「無野呀。」

「噢。係喇，醫生話聯絡唔到你屋企人，所以唔好意思喇，一打開眼就見到我依個毒撚。」我尷尬一笑。

林林合埋眼搖搖頭，再張開眼望實我。理解唔到依個搖頭咩意思，更加唔知點解佢望實我。

「你再望住我個樣會反胃架。」





「嘿嘿⋯⋯」林林忍唔住笑，笑到個膊頭震哂。