是咁的，照顧過我嘅護士死咗: 一百四十五、傻仔
諗下諗下，愈諗唔通就愈好奇。
仲有就係點解佢會同個大陸阿叔摟埋一齊呢？
不過我估佢個廁所小休都同唔到我解釋咁多野架喇，所以我嘅首要任務都係要餵林林食幾嚿野。
至少要塞佢食一粒墨魚、一粒雞腎同一粒生腸。
男女殘廁人來人往，我除咗珍珠奶茶都無點飲野，所以只係去咗一次，但有啲人已經去咗兩次。
我突然靈機一觸，林林咁少去廁所，可能連水都少飲，因為少飲水就會少啲尿屙，以佢個思維一定係咁諗野。
同十八子依隻水怪相反，咁林林身體嘅水溶性毒素好難排出嚟，好鬼唔健康呀真係。
於是我又去咗買水，決定點都要塞佢飲少少水。
通常啲男仔溝女都係揸住花喺對方公司樓下接收工，我就揸住袋肥姐同一枝樽袋水喺女廁門口等。
成個傻仔咁。