是咁的，照顧過我嘅護士死咗: 一百四十三、女廁
入夜嘅廣華醫院，無論入面定外面都係咁多人。
尤其係對面咁多街邊小食店，又有樓上食肆，成日逼到水洩不通。
對我依啲有隱病嘅人嚟講，多人嘅時候就最危險。隨時被人無情力撞一野就好似薯蛋頭先生咁散鬼哂。
好彩我又拎住拐杖又盛，其他人見到都會行遠少少避開。
林林頭先個飯盒好似未郁過，依家實肚餓，所以我一如既往去咗買肥姐。
不過問題嚟喇，佢咁忙，我點先可以畀到野佢食呢？
我拎住袋野食走返入醫院，繼續等林林放工。
呀！諗到，不過有啲似變態佬。
林林就算搏到幾盡，都一定會去廁所換片，所以我只要捕住個女廁就會見到佢。