是咁的，照顧過我嘅護士死咗: 一百三十七、一個小問題
除咗年輕嘅意外懷孕女性之外，仲有本來以為可以幸幸福福迎接新生命嘅父母，因為產檢知道個胎有事而終止懷孕。
「如果佢出世就預咗要痛苦，我寧願佢唔出世，做父母嘅點會想仔女受苦？」
亦有後悔嘅媽媽：「我一直諗，我係咪抹殺咗佢有幸福生活嘅可能性？定還是想生佢出嚟其實只係我自私？點解做人父母咁難⋯⋯」
「你係姑娘，你讀咁多書一定好聰明，我有個問題一直都諗唔明白，一個小問題嚟，唔會阻你好耐時間架咋姑娘。你可唔可以話我知，我到底係啱定錯？」
亦都有意外整親，肚入面嘅bb變成死胚而要做墮胎手術清理子宮嘅媽媽。
「我淨係想知，點解會係我呀？係咪我做錯咩事呀？姑娘，係咪我做錯咩事呀？我諗唔通，點解人地有咗就變幸福家庭，我有咗就變成咁？」
十八子雙眼嘅神彩漸漸被磨滅，佢嘅抑鬱問題更加嚴重。