紙言

是咁的，照顧過我嘅護士死咗: 一百三十一、迪士尼





「點解我會訓係到等做啲咁嘅手術？姑娘⋯⋯我其實好驚⋯⋯有無得唔做呀？」

十八子忍住手心嘅震動，靜靜講出事實：「啲藥已經令你子宮收縮咗⋯⋯依家唔做，你要有個bb變畸胎嘅心理準備。」

內心好似有股巨浪翻滾嘅不適感。

相反聽完嘅阿may就好平靜：「啊⋯⋯原來係返唔到轉頭嘅單程路嚟。」

十八子無奈咁點頭。





「姑娘⋯⋯你有無去過迪士尼呀？」

「我⋯⋯無呀。」

阿may微微一笑，摸摸下腹：「我都無。我想，遲啲去。」