是咁的，照顧過我嘅護士死咗: 一百二十一、窮則獨善其身

古乳有暈：「窮則獨善其身，達則兼濟天下。」

香港政府自己都未安置好自己香港人，廢咪唔好搞咁多野，自己顧自己咪算囉，撈得掂先有能力幫人同兼濟天下架嘛。

自己都未係做得好就懶大愛去幫人，最後搞到一鑊粥又係平民要受返。

我媽媽講過一句：「無野格，發生咩事都好，點死都係死我地啲窮人先架啦。」

雙非霸咗嘅床位對有錢人同高官有無影響？有嘅，少囉。有錢就有選擇，使鬼好似啲平民咁去逼公院床位咩。





如果啲雙非係去政總生仔，咁梁振英實唔會等十年先搞「零雙非」。

所謂針唔拮到肉唔知痛，唔見自己副棺材唔流眼淚。（見外人棺材流唔流眼淚呢？你睇林鄭頒追封殉職消防員笑得幾燦爛？）

但點都好，社會有問題嘅結構，大陸同香港嘅差異，法律上嘅漏洞環環相扣導致咁嘅社會現象出現。

「你嚟同我開城市論壇定聽我講點解做兒科架？」十八子瞇住眼睥實我。

「蘇依媽些，你繼續。」





「你咪再侮辱日文呀！」