是咁的，照顧過我嘅護士死咗: 一百零八、敵意

「嘩你同啲草有仇咩？」我拮到啲番茄爛哂。

「我今日心情唔多好。」

「因為我喺你面前抄人牌呀？」十八子含住枝叉，好似隻小惡魔咁望住我。

「唔係。我之前咪同你講，我對一個護士有啲好感嘅？」

「你又食檸檬呀？佢有無話你乜野呀？」





十八子擔心咁望住我。

「唔係呀。只係⋯⋯」

我慢慢將之前鐵拳大叔大鬧骨科病房嘅事講比十八子知，之後就到今日見到佢地兩個喺文物館外面摟埋一齊。

「咁嗰個護士都唔慌係好人。」

吓？





點解會得出咁嘅結論？