是咁的，照顧過我嘅護士死咗: 五十八、陪我睇戲

好彩當年嘅社交媒體唔係咁發達，所以對我嘅欺凌都只限於現實生活嘅嘲笑。

只要返到屋企，我就可以逃過一劫。

我開始唔鍾意返學，有段時間成日請假留喺屋企。

我嘅精神狀態一直好差，所以十八子一有時間就會去我屋企搵我，搞到我阿媽都認得佢。

「咦十八子又嚟呀？」





「係呀伯母。你個仔今日要陪我睇戲。」

「我無呀。」

我將自己匿喺被竇入面，阿媽同十八子都唔敢郁我同拉我落床。

無我符嘅十八子成日入到我房就坐喺床邊嘅地下，望實我。

「咪再望啦。」





「你陪我睇戲我咪唔望。」