是咁的，照顧過我嘅護士死咗: 三十、阿呢吉多哥渣依媽薯

到十八子洗心革面之後，佢有嘗試改口叫我金仔，但話叫慣咗，所以最後都無改到。

不過其實我唔太介意佢咁叫，因為相比其他欺凌，叫下花名真係小兒科啦。

「睇你個款聽日出得院啦？」

「唔通住一個月咩。」

其實香港公立醫院嘅收費真係好平，住一日都係講緊百零二百蚊夠數埋單。





由於床位不足，院方好多時會盡快趕走行得企得唔多有事嘅人走，空返張床出嚟俾其他病人。

「食唔食多粒呀？啊～」

好難想像點解佢依家會咁溫柔，以前明明開口埋口都話要打柒我。

可能對得bb多，自然就溫柔咗。

「唔食呀。你返去做野啦。」





「唓，冷淡到死，人地特登嚟睇你，你多謝都無聲！」

「阿呢吉多哥渣依媽薯。」

「唔準你侮辱日文呀！」