是咁的，照顧過我嘅護士死咗: 十九、醫療事故
巴士都好啲，只係工資唔夠，人手不足。就算要train一個司機，講緊一個月就可以有新血加入。
反觀醫療人員，唔只人手不足，再加埋床位不足，連病人都多，仲要每個人都起碼train幾年先有資格落場，起醫院又唔係一時三刻嘅事，依個結構性問題唔係依家話想改就改到。
而結果，就係醫療事故成日發生。
每個醫護人員喺手術同照顧病人嘅時候都會打醒萬二分精神，因為一個小錯誤都可能會死人，所以每當有咩手術完咗，我就會見到德仔同林林佢地好攰。
德仔嘅攰係表現出嚟嗰種，死蛇爛鱔咁。嗱，又俟住牆恰著咗喇，吹咗個鼻水泡出嚟㖭。