是咁的，照顧過我嘅護士死咗: 十一、跌倒
我想同佢講，總有一日佢會遇到個唔係雞嘅女仔，但佢已經絕望咗。
當同一個人培養咗幾年感情都可以轉瞬幻滅，阿連個心已經自動裝上濾鏡，眼中所見嘅女人樣都變哂家禽。
「唔好飲咁多喇。」雖然叫咗三輪半打一六六四，但我其實飲咗唔夠半枝，其他都比阿連清哂。
發表完偉論嘅阿連，情緒由高漲回落，耷低咗個頭，男兒淚滴落喺有水珠嘅一六六四酒樽上面。
「我做錯咗啲咩⋯⋯」
我睇到好心痛，但又咩都做唔到。
突然，阿連肌肉抽搐，嘔哂白泡，成個人震哂，失咗平衡跌落地下。
巨響令酒客望過嚟，侍應同老闆娘即刻過嚟
我嚇到呆咗陣，埋去望佢點樣。
「阿連你點呀？唔好嚇我呀！連！」