凶港 外傳

19年後，冰島仍然倖存，並變得欣欣向榮。

冰島人民努力重建世界秩序。

當中亦有唔少由世界各地嚟嘅人，佢地都因為19年前嚟冰島旅遊，公幹，留學而倖存... 冰島上嘅人口越嚟越多，佢地開始組建軍隊，派兵收服其他地方...

慢慢，整個北歐，西歐地區都得以恢復如初，喪屍就因為身體嘅腐爛而失去過往嘅卓越行動力。

冰島軍好快就可以消除喪屍... 冰島軍第109分隊嘅隊長叫阿瑟，係一個香港人。





當年佢只係一個學生，因為一次冰島遊學團而避過一劫，宜家已經係一個魁悟嘅成年人，仲因為自身嘅戰鬥天賦而成為隊長...

----------------

「so , you want to go to Hong Kong?」一個高級嘅軍官問阿瑟。 「yes , it is my dream , a dream that has lasts for 19 years...」阿瑟答話。

「ok , you may take a visit after authorization.」軍官鼓勵阿瑟，希望佢可以收復多個地方。 「Thank you ,Sir !」阿瑟逕自出門，心中好緊張，因為佢終於可以再次踏上故土...

-----------------





戰機降落喺赤鱲角機場。

阿瑟帶同一眾隊長落機，只見跑道上有唔少身體已經腐爛到行唔到嘅喪屍，向佢地張牙舞爪...

消耗一段長時間，小隊清空機場，準備向市區進發。

佢地慢慢步出市區，只見沿路有唔少喪屍，一部部廢車，乾涸嘅血跡。

部隊間唔中都會見到一部部老舊裝甲車，望見車上既圖案，阿瑟呆一呆，心諗：「呢個就係傳聞中的天譴部隊吧...」





----------------

天黑，阿瑟嘅部隊已經由赤鱲角沿除行到九龍，並清空咗以上地區...

佢地行到一間學校。 「sir , can we take a rest in this school ?」一名士兵臉色疲憊。

阿瑟點頭：「sure , we are tired , but remember to clean out the place first!」 手下大喜，因為終於有得休息一下：「yes , sir !」

---------------------

手下紛紛喺學校既303課室休歇，而阿瑟就獨自喺學校回味以前嘅美好時光。

「唉，香港竟然變成咁...」

阿瑟慨嘆：「19年啦，我諗世界上只係得番我同喺冰島上既香港人...」 當佢行到去其中一幅牆嘅時候，佢見到一張舊到已經發黃嘅紙。





阿瑟花左一個半鐘閱讀上面既文字。

阿瑟好奇。

仲有人生存緊？

佢將紙從牆上撕落嚟，收埋喺袋入面。

阿瑟繼續喺依間學校入間搜查...

----------------

突然間，阿瑟感覺到身後有人接近。





佢舉槍指向身後：「唔好郁！」 當佢以為身後嘅係喪屍嘅時候，佢先發覺，依個係一個人，一個滿臉鬍鬚，身上沾滿屍血嘅人...

「你...你係乜野人？」阿瑟好奇。 「你係...香港人？」神祕人問。 「係...」阿瑟回答。

神祕人靜默。 「你...你係咪天譴部隊嘅人？」佢問。 「唔係，天譴部隊一早俾我地冰島軍滅咗...」

阿瑟解釋。 「冰島？你嚟自冰島？」神祕人訝異。

阿瑟點頭。 「我...我...我等依日......已經等咗19年...太好啦！」神秘人喜悅。

阿瑟開口問：「你叫乜名？」 神祕人回過神嚟，答阿瑟：「我...我叫阿駿...」 阿瑟靈光一閃，但突然記唔起喺邊度見過依個名... 噢！

阿瑟攞出啱啱撕下嘅舊紙... 「你係依個阿駿？」佢舉起紙。

「無錯...」神祕人答話。