去廁所發現隔離的人是梁振英

呢日係禮賓府開放日，我百無聊賴，又見無朋友穩我，於是就搭上去往禮賓府既巴士。

一如既往，禮賓府人頭簇擁，花卉萬紫千紅，營造禮賓府高貴，典雅既氣氛,形象。 警隊樂隊演奏氣勢澎湃既樂曲。一眾市民紛紛拍照留念。隨後，我地既特首同伉儷出現。一班老婦人湧上前，爭相拍照。一對夫婦與特首自拍。一個男人帶其小孩亦步亦趨。

唉，如此醜陋的官場。如此黑暗的政治。不應再多逗留一秒。 "請問洗手間在那?" 我問其中一個女服務員。 "一直向前行再轉右就係啦"佢笑容可掬咁回答。

----------------------------------

我寬衣解帶，準備舒暢地解放。





人生最物我兩忘，與萬化冥合既時間，大概就係呢段時間吧。 "呃。。。。"我舒暢地感嘆。 "呃。。。。"一把低沉既聲音出現。

我轉頭去望。

係梁振英! 絕對唔會有錯!

同係電視睇唔同。皺紋鮮明地遍佈係佢額頭上。魚尾紋深刻地係佢眼角刻畫歲月既痕跡。呢五年既生涯似乎令佢頭髮變得更銀白。即使佢身着西裝，但仍然無法遮擋佢既蒼老感。

此時此刻，十個起碼有七八個香港人最憎恨，最想打既特首，就係我隔離。究竟我應該掄起拳頭，為全港八百萬人報一政之仇，定係應該笑容可掬，一笑置之呢?





我腦海頓時浮現好多想法。

傘運，旺角騷亂，港人難以置業，物價騰貴，港人生活壓力巨大，快樂指數最低，人大八三一，人大釋法，港人輪唔到公屋，UGL事件，官商鄉黑，大白象工程，

原來係電視上既並唔係梁振英。而係現實。