凶港: （21）
我地要去港島！
我地走到公路上，準備搵車逃跑。
地下依然濕滑，但係幫到我地拖延住喪屍嘅步伐。 「阿駿，我地宜家去邊好...」女神BB問。 「無啦，向前走啦，我地要去港島！」我將佢嘅手捉得更緊。
我地繼續跑，一直由邊境跑到上水市區。 ----------- 上水市區人煙稀少，亦見唔到喪屍蹤影。
對比以前大批大批水貨客，依家既上水變咗死城。
我地急忙搵車，但係好多車都無車匙，根本無用武之地... 「點算好呢...」阿鋒躊躇。 「定d嚟，好快會有...」我笑笑。
呠呠！
突然遠處響起一陣汽車嗚笛，我向聲音來源一望，原來係一部校巴，車上起碼有十幾人。
自從依個禮拜經歷過咁多事，我都不自覺咁懷疑車上人嘅意圖。
我緊抱住女神BB，同阿鋒一齊觀察住部車既行動。
突然間車上有人落嚟，係一個男人，仲向我大嗌：「喂，果三個，快d上車啦，無時間啦！」 我地依舊有戒心，不為所動。 「喂！你地後面呀！走啦快d！」落車嘅人嗌得更加大聲。
我望一望身後，原來一大群喪屍已經慢慢由遠處逼近，睇嚟我地搵車搵得太耐，佢地追到上黎! 「點呀？上唔上車？」阿鋒問。
我冷靜思考。
女神BB就摟住我手臂，向我點一點頭。 「咁好啦，我地上車！快！」我向兩人講。
我地三人快速向校巴跑，落車嘅人就繼續同我地講：「快啦，上去啦！」 我地三個上咗車，車迅速行駛，喺窗口見到好大群喪屍由四方八面擁嚟。
好彩上咗車，如果唔係實死無生。
我問落車嘅個位男士：「你地係乜野人？」 「我係依個團隊嘅leader，你可以叫我Davis...」男人回答。 「Davis？你好...」我打量Davis。
佢睇落似一位老練嘅團隊隊長，車上嘅物資同人手都整理到井井有條... 我繼續打量車廂入面，視察下有無潛在危險。
係呢個末世，謹慎係最重要既生存條件。 「駿！駿！係咪你？」一把熟悉嘅聲音從校巴車尾傳嚟。
我望一望車尾... 唔會...唔會...唔會係真架！ 「仔！」坐係車尾嘅女人企咗起身，向我衝過嚟。
阿媽！真係阿媽！ 「媽！」我好似個BB仔咁，想衝去阿媽懷抱... 我同阿媽摟住喺一齊，大家相擁而泣。 「媽！我...嗚...我以為...嗚嗚...你...」我喊到失晒聲。 「仔...嗚嗚...你無事就好.....」阿媽抱住我。 「你...點解...嗚嗚...成身係血...你有無事？你肯..定過到好苦...」佢擔心地望住我。
我地兩個都以為大家死咗，宜家見番真係好感動，我未試過咁珍惜阿媽... 車上雖然得寥寥十數人，但係佢地都為咗我地而流淚。
女神BB從後擁抱我：「恭...喜...嗚嗚...晒呀...」 媽擦一擦淚水：「仔，依個。。。你女朋友仔呀？」佢笑說。
我拖住女神BB嘅手，臉紅咁點一點頭，我笑一笑，阿媽都噗哧一笑。
阿鋒就喺旁面嘅座位坐低休息，望住我地喺度笑，睇嚟佢都幾開心。
經過一輪感人嘅團聚，我坐低咗，同Davis搭訕：「Davis，你打算去邊？」 「總之離開新界就得...」佢回答。 「無錯，新界唔安全...」我回應。 「咁你有乜好提議？」佢打量我。 「我...我喺遇到你之前，我地打算去港島...」我和盆托出。 「港島？你係咪傻咗？」佢詫異。
傻？傻乜呀？港島有物資有人類... 「其實我地既計畫係...」我向佢解釋。 「我地就係從港島過嚟...」 WTF？
份計劃又話港島唔會受波及？點解會。。? 「唔係掛？港島都死晒人？」我裝作一無所知。 「無錯，我地已經將物資嘅好大部份搶到手。」Davis解釋。 「搶到手？」 「好多高官同軍隊都強搶物資，唔留俾我地d已經表示效忠嘅市民，結果爆發咗衝突...」 「跟住呢？」 原來Davis係表示效忠嘅市民之一 「跟住突然間港島落起雨，而喺衝突中受傷嘅人突然間變咗喪屍，就係咁港島都收晒皮...」 「咁我阿媽呢？佢喺港島咩？」 「你話個位阿嬸？佢係咁啱俾我地救咗出嚟，佢本身差少少俾幾隻喪屍攻擊，但係佢自己打死咗兩隻，跟住我地就到咗救咗佢...」 阿媽性格依舊剛烈... 「咁我地點算好？連港島都無咗...」我問。 「唯有...唯有去赤鱲角...」Davis話。
阿鋒答嘴：「赤鱲角？搵飛機走？」 Davis點一點頭... 車上另一位男人答話：「我係機師，我可以揸飛機...」 「咁我地可以去邊？」我問。 「去其他國家都好，總之唔好留喺香港...」 車上一位女人答話：「不如去韓國避啦，韓國應該無事嘅...」 車上一位青年人插嘴：「不如去美國啦，有軍隊有國防，肯定無事...」 再有人插嘴：「不如去日本啦，日本地大物博，一定收留我地...」 可恥，原來根本無人對依個地方有歸屬感... 個個寧願走去第度生活，都唔願意留喺自己土生土長嘅地方。
雖然依個福地，已經變成凶地... 我搖一搖頭，手搭住女神BB嘅膊頭。
目前只有一條路，就係唯有跟隨小隊前往赤鱲角... ------------- 車駛到馬灣，已經係黃昏時份。
馬灣嘅夕陽好靚，我好慶幸可以同自己最愛嘅人一齊分享依個美景...
頭先我同阿媽分享依幾日嘅經歷，佢不禁再喊咗出嚟，不停抱住我話：「真係命苦...辛苦死我地個仔啦，好彩你死鬼老豆保佑你...」 老豆，你都離開咗咁耐，唔知你喺天堂生活係點...但起碼你唔使活喺依個人間地獄入面，如果你仲喺度，你實會對依個政府改觀... 車突然間停咗。 「仆街！」司機心浮氣躁。
Davis行去司機位了解，原來車爆咗軚，無辦法前行。
Davis同司機商討一輪，拍拍手向我地講：「各位，我地部車好唔好彩地爆咗軚，唔該各位落車幫手搵駄，記住要搵人一齊，唔好單獨行動！」 車上眾人十分團結，毫無疑問就落車幫手，而我同阿鋒都自告奮勇去幫手。
女神BB，阿媽同一眾女性就留咗喺車上。
馬灣出奇嘅寧靜... Davis提議：「馬灣好似有間巴士停車場，不如我地去睇睇！」 眾人說好，便馬上出發。
我同阿鋒都小心為上，留意住附近有無喪屍... 好快，我地就嚟到個停車場。停車場正正喺青馬大橋嘅正下方，只見現場嘅巴士都駛走晒，只剩幾條車軚... Davis喜出望外，即刻叫人幫手抬車軚番去。
正當我諗住幫手，阿鋒突然間停住我：「阿駿，你唔覺得奇怪咩？」 我疑惑：「奇怪？」 阿鋒：「d車駛走咗，點會留d後備軚喺度？」 「係喎！」一言驚醒夢中人。
我同佢入咗附近嘅草叢，觀察住情況... 砰砰砰！
突然間一陣槍聲響起，團隊中唔少人都中槍，應聲倒地... Davis大嗌：「停呀！唔好開槍！」 我大吃一驚，阿鋒向我做咗個逃跑嘅手勢。
現場嘅槍聲始起彼落，我回頭一望，只見一班著住黑衫嘅人揸住步槍，逼近剩餘嘅成員... 我地慢慢離開草叢，返回校巴上。
女神BB問：「阿駿...啱啱嘅槍聲？」 我細聲答：「有人襲擊我地...」 女神BB神色慌張：「下？唔會掛？」 阿鋒問：「我地係咪應該走...？」 我：「睇定d，或者...」 砰砰砰！
停車場處再傳嚟槍聲，我望向車窗，只見落荒而逃嘅飛機師，佢急急腳跑走咗，氣喘吁吁... 我問：「究竟係乜事？」 車上婦孺都好驚，大呼小叫，雖然得寥寥數人，但係都好大聲... 我警告：「各位靜呀！」 阿鋒示意：「我地要落車走，有人攻擊我地！」
機師已經獨自離開咗... 女神BB同阿媽即刻收拾細軟，準備落車走，我拖住女神BB嘅手，同阿鋒一齊跑上進入赤鱲角嘅公路... 而其他人都跟住我地一齊走，剩下嘅就係中咗圈套嘅一群團隊隊員...
砰砰砰砰砰！
呼呼！
我地一直跑，身後一直傳嚟槍聲，仲要係不斷傳嚟... 睇嚟車上所有人都無一倖存... 我同其餘三人都一直跑，唔敢有半點遲疑... 我地一定會去到機場！
-------------
突然間，一早逃跑咗嘅機師向回頭跑... 「番轉頭！番轉頭呀！」佢向我地大嗌... 我望向佢身後... 原來去機場嘅路上有一大群，唔係一大群，係極大數目嘅喪屍! 「點解會有咁多喪屍？」我大驚。 「係囉！點會咁？」阿鋒附和。
我苦思原因，卻已經急得苦無對策... 無可能架... 我地無後路架啦... 前面，根本係死路一條，無車嘅我地根本無辦法突。
我地若跑回頭，回頭等住我地嘅，就係一班我地毫無認知嘅黑衣人...
-------------
走咗一陣，我地就見到一批黑衣人脅持住Davis同兩個剩低嘅男性。
黑衣人排得好整齊，好似一隊訓練有素既軍隊咁。
黑衣人之中，突然間走咗一個好似首領咁嘅人出嚟。 「hello，咁多位，我係天譴部隊嘅隊長，我叫Paolo...」佢開聲。
天譴部隊？ 「天譴部隊？乜嚟架？」我揚聲問。 「細路，天譴部隊隸屬高度秘密組織，你地緊係唔知！」Paolo回答。
究竟有幾多野我地市民係唔知?... 我問：「點解你要攻擊Davis同我地？」 Paolo喺手下手中攞起一把手槍，指住Davis嘅太陽穴，手下都用槍指住其餘兩人嘅太陽穴。 「你話依班二五仔？」Paolo冷嘲熱諷。
二五仔？
我問：「你地係咪由港島嚟？」 Paolo大笑，諷刺咁講：「緊係啦，哦，我知啦，佢係咪又作故仔，話港島淪陷咗？」 下！？唔通港島未淪陷？
Paolo續講：「不過佢啱，西環係淪陷咗，不過就係因為佢，西環先會俾小部分喪屍入侵埋...」 阿鋒揚聲問：「究竟成件事係點？」 Paolo笑笑，向Davis講：「傻仔，想走？你部車一早俾我裝咗追蹤器...」 Davis一臉不忿... Paolo大笑：「係喎！啱啱d車軚係咪好吸引呢？咁都中計，唔似你喎Davis...哈哈哈哈哈哈!!!!」 說罷，Davis先知原來係Paolo設嘅圈套，但不慎中計。
Paolo突然示意手下開槍... 我驚慌：「你...你想點？」 砰砰砰砰砰砰砰砰砰！
我回過神嚟，我地一個人都無中槍，我望望身後，原來喪屍大軍已經殺到，天譴部隊幫我地殺咗一批好接近我地嘅喪屍... Paolo大叫：「你地再唔過嚟，你地就等死啦！」 阿鋒打打眼色，我點頭，我地於是向佢地嘅方向前進... Paolo示意手下捉住我地，對我講：「咁先啱架嘛，乖乖地臣服咪唔使受傷...哈哈，宜家你地清一清班喪屍先！」 佢命令手下開火，之後自己上咗裝甲車。
手下紛紛講咗句：「Forza Disater！」好似一句口號，跟住紛紛攞出武器對付喪屍大軍... 我地五人連同Davis，同兩個男人被捉到一部貨櫃車嘅貨櫃入面，手上被綁上尼龍膠帶... 我先安撫一下女神BB，女神BB亦比剛爆發屍災時鎮定。
我問：「Davis，究竟你係乜野人？」 阿媽附和：「係囉，你唔係話你只係其中一個市民咩？」 Davis慢慢道出...
------------------------
天譴會，係一個秘密組織，而組織嘅宗旨就係要統一優越嘅人種，成為新世界嘅創造者。
而佢地創造新世界嘅方法，就係先「清洗」世上嘅低劣人種，「建立」全新嘅優質秩序。 「Forza Disater!」依個就係佢地嘅口號。所有成員都唔可以質疑組織嘅宗旨，同埋要極度忠於組織... 多年嚟，天譴會成員不斷滲入各國政府，提供「天譴部隊」，部隊提供各類重型軍火同大量嘅僱傭兵，並大力推薦類似凶港計劃咁嘅計劃俾各國政府，利用各國政府嘅人力物力，去研發「清洗」嘅方法。
香港同中央政府錯信天譴會嘅成員，暗中推動凶港計劃，原意只為清除反政府嘅份子，但勢估唔到俾天譴會利用咗...凶港計劃就係全程由天譴會滲入政府嘅官員實行，結果俾佢地成功研發到喪屍病毒... 當香港同中央政府以為十拿九穩清除反政府份子嘅時候，天譴會嘅成員發難，將所有高官殺清光，take over咗港島依個「災後核心地」。 而世界各地嘅天譴會同時發起好似凶港計劃嘅大清洗，同時天譴會會選定一至兩個國內地區做「核心地」，作為建設之用。
全球無一國家倖免...佢地選擇嘅平民都係一d安於現狀，唔肯尋求改變嘅平民，依種平民最容易受人控制，從而天譴會就可以奴役佢地，建設新社會... Davis本來係天譴部隊嘅行動隊長，同Paolo管理香港天譴部隊，而Davis就同Paolo鬧不和，唔聽從Paolo嘅指示去殺清高官，於是被Paolo追捕。
佢聯同一班反組織嘅同伴搶咗大量物資，槍械，同搶走咗個部校巴，趁夜打開咗海底隧道逃跑，但係就咁放咗喪屍入去...西環就咁俾喪屍入侵... Paolo解決咗西環問題之後，即刻帶兵追擊Davis，誓言要捉住Davis，並將佢喺班市民面前處決，以起殺雞儆猴之用，避免再有亂事... Davis諗住逃跑到內地，但臨時收到消息，內地嘅清洗計劃失控，全國極多省份感染病毒，本身決定咗嘅「核心地」深圳都不倖免...
於是Davis到邊境後打算去赤鱲角搭飛機走，就咁遇到我地.... Davis為咗掩飾自己嘅身份，一直向後來上車嘅倖存者話自己係港島其中一個難民，同宣稱港島已經變成災區，以避免倖存者去港島，跌落Paolo嘅控制入面... -------------
-------------
女神BB問Davis：「咁我爸爸Dr.Glen呢？佢都係天譴會？」 Davis搖搖頭嘆息：「唔係，佢只係發現我地嘅目的，點都要制止計劃...結果俾我地...」 女神BB好憤怒，佢知佢面前嘅天譴會成員都係佢嘅殺父仇人，但係佢唔敢出聲。
阿媽好驚，身體不停顫抖... 貨櫃外槍聲從未間斷，睇黎喪屍數目相當多... 我地身處嘅貨櫃車開動咗，睇嚟係要運我地去港島...
--------------
車行駛得好快... 我唔想，我唔想受控制！
我要走！
我好清楚自己嘅諗法：我唔會受天譴會控制！
我掙扎，我好想鬆脫手上嘅尼龍膠帶... 阿媽勸說：「仔，唔好啦，乖乖地聽班天乜部隊話啦...」 我怒吼：「唔聽呀！我唔想無自由...」 阿媽：「你走，出面d怪物會食人，咪又係死路一條...」 我靜默，我明白阿媽唔想我出事... 女神BB就同我雙目交投，睇嚟佢明白我想走嘅心意... 女神BB點一點頭，佢都想離開... 阿鋒都點一點頭，睇嚟佢諗住跟我走... Davis搖搖頭：「你地唔好傻，你地走唔甩...出面喪屍圍城，就算你好運走甩，你都係逃唔過天譴會嘅魔爪...Paolo佢地遲早收服全香港...」 我質疑：「唔通我地真係無辦法逃走？」 Davis笑咗一笑：「辦法唔係無，但係你有無依個膽...」 我打斷佢嘅話：「乜野辦法！」 Davis慢慢解釋：「你地只要上金山，偷偷地避過山上部隊，喺衛星發射站入面關閉佢地嘅電力來源，連接住海底隧道嘅封鎖門就會打開，咁佢地遲早俾喪屍圍困...」 我問：「咁跟住呢？我地可以去邊？」 Davis話：「衛星發射站度有一定數量嘅食物同水，可以捱到一段時間，到時你地執生啦...」 我點頭示好，Davis亦願意幫手... 阿媽喊住勸我：「仔，唔好搞咁多野啦，安安樂樂生活落去咪幾好...」 我答：「媽，我大個啦，我識做架啦...」 媽淚如泉湧：「我...嗚嗚...媽...媽唔想...嗚嗚...無咗你依粒仔...」 我都流咗一行淚：「媽...嗚...我會...我會無事架...」 車駛到荔枝角，越嚟越接近獅子山... Davis同兩位餘黨講：「我地...我地下世再做兄弟！」睇嚟佢真係有必死兄嘅決心幫我地... 我孤注一擲...