凶港: (17)

太陽初升，一線曙光升起。

對於我地嚟講，依個會唔會係一個。。希望呢？

陪隨住女神BB嘅飲泣聲，車一直行駛.. 華姐同阿龍結果都係捱唔過依關，明明只係差少少佢地就可以走得甩... 我流淚... 阿龍曾經救咗我一命，但係佢最後竟然係咁嘅下場... 依個世界係咪真係好人無好報？

而我，只係個滿手鮮血嘅人... 我想死...我唔想再留喺依個世界... 但係一諗到女神BB，我就知道我唔可以放棄！ ---------- 車到咗最北既地方，天漸漸變黑。

一如預料，根本無任何軍隊，只係得一條死寂嘅邊境橋... 「不如我地過橋啦...」我建議。





眾人點頭。

嗷呀！嗷呀！

突然大群喪屍喺橋嘅另一邊殺出，數量相當驚人，比之前喺公路睇到嘅數量更加多!

我地驚訝。 「唔係掛...」Tony仔驚訝。 「唔通大陸都!?...」阿鋒附和。 「我地要撤退啦，快啦！」我大叫。

我地即刻上番車。





阿鋒大力踩油門，驚慌咁講咗句：「弊！無油啦！」 部車無油...點都開唔到部車... 我地仲可以用屍血！

喪屍大軍逼近，已經過咗邊境橋... 我地四個搽滿屍血，諗住落車步行... 沙沙沙...沙沙沙... 風聲好大，我抬頭一望，天上瞬間烏雲密佈。

沙沙沙沙沙沙沙沙沙沙沙。。。 突然落大雨！ 「雨水會沖走陣屍臭味，佢地會發現我地架！」Tony仔心知不妙。 「咁快d走啦！」我心感不妙。

雨越落越大，好似爆發危機個日咁，我隻眼都漸漸睇唔清前面條路... 「呀！！」Tony仔跌倒地上。

沙沙沙沙沙沙沙沙沙-





嗷呀！

喪屍已經逼近Tony仔身邊，而佢扭親咗隻腳，已經行唔到路... 「郁啦Tony仔！」阿鋒焦急。 「Tony仔起身呀！」我都大叫。 「救命呀，好Q痛！」Tony仔痛苦大叫。

我地兩個迅速上前扶住Tony仔。 「出力呀！」阿鋒同我一齊扶住Tony仔，但係我地行得好慢，喪屍就漸漸逼近!

大雨令邊境河水位暴漲，慢慢河水上升到路上，我地寸步難行，仲要扶住Tony仔... 女神BB一直向前走，貌似搵緊野,似乎係想搵地方暫避。 「阿駿，依度呀！」女神BB睇落搵到地方俾我地暫避。

我地扶住Tony仔跟住女神BB行。

轟隆！

雷聲一響，雨就跟住落得越嚟越大。

我捽一捽眼，睇到前面有一間木屋仔，而女神BB亦向木屋方向前進。





砰！

我地急忙打開木屋嘅門，發現入面空無一人，但係屋入面嘅枱上就有四個蘋果，好似準備好開餐咁。 「等我去引開d喪屍先，你地喺度等我！」阿鋒自告奮勇。 「你要小心，唔好亂嚟！」我囑咐。 「得啦屌你！」 阿鋒奪門而出，大叫大鬧，喪屍俾佢吸引住，漸漸離開木屋範圍... 轟隆！

雷聲又起... ------------ 我地三人坐喺木屋大廳，全身滴緊水... 「呼...」Tony仔摸住自己隻腳，再除一除自己隻鞋睇，原來腫咗，睇嚟佢扭親得好嚴重。

女神BB上前察看：「Tony仔...你隻腳...要包紮下喎...」 「你識唔識包紮？」我問。

女神BB微笑一下：「識呀...我係紅十字會嚟架嘛..」 「我去搵下有無藥箱...」我提議。

不管混身濕透，我檢查木屋四周... 木屋有三間房，兩間房嘅門都係打開嘅，有一度門就鎖住咗... 我推開其中一度開咗嘅房門，發現床單都好整齊，好似有人曾經住喺度... 我東翻西找，結果搵到一個細細嘅藥箱：「依個箱應該有繃帶掛...」 入面果真係有繃帶，不過得最後一小卷... 我急忙攞出去木屋嘅大廳幫Tony仔包紮，女神BB好快就幫佢簡單包紮咗。 「呼...差d以為啱啱會死...」Tony仔鬆一口氣。

女神BB睇落好攰，而我都好攰，我地嘅物資留晒喺之前既村屋個度。。。。 好肚餓... Tony仔眼望向枱上嘅四個蘋果：「阿駿，不如我地食咗佢囉...」 「唔好，依間屋好似有人住架，啱啱間房入面d床單仲好整齊...」我擔憂。 「照食啦，一陣講聲唔好意思咪得囉...」佢伸手就拿。





我心入面有一種不祥嘅預感... 但係我阻唔到Tony仔攞起蘋果食，而佢將其中一個俾咗女神BB食，但係我始終唔想食... Tony仔狼吞虎嚥，連食兩個蘋果：「阿駿，你都傻嘅，唔食就無力...無力...」 ！

Tony仔暈倒在桌。 「阿駿...我好暈...」 女神BB都倒咗喺地下!

個蘋果有問題!

砰！

有人推門入嚟。

一個人被推咗入嚟，原來係阿鋒。身後有三人。 「阿鋒？做乜事呀？佢地係乜人？」我警備。 「我都唔知，啱啱就咁俾佢地捉住咗...」佢不能反抗。

我向門口一睇，原來係一男兩女，男嘅睇落好健碩，而個兩個女就一個高一個矮，應該係母女，睇嚟佢地就係住喺度嘅人... 佢地嘅身上著住禾草衣，雨水沿住禾草衣留落... 「各位，我地無惡意架...」我嘗試解釋。 「我地係啱啱為咗避喪屍而走入...」阿鋒附和。

阿鋒中咗一棍，順間暈倒... 四人中得我一個仍清醒面對眼前未知是敵事友既人。 「到你啦細路！」男人攞住手上嘅大棍，對住我大叫。





我望向支棍，發現棍上有血跡，我即刻向房入面逃跑！

救命，究竟佢地係乜野人？