（喪屍故）末世: （26）Econ小王子
我去咗河塘嗰邊同佢地傾下
「軍豪，聽聞你哋分贓唔勻喎，帶我去睇下你哋搵返嚟嘅嘢。」我
「好，跟我嚟！」軍豪
————————————————————
「嗱，呢度回鍋肉、午餐肉、豆豉鯪魚，糖米油鹽醬醋茶葉，蔬菜乜都有，點呀？」軍豪
「可唔可以比個list我？同埋食物上面有冇價錢標籤？」我
「我問吓有關嘅同學，我諗大部份都有。」軍豪
「搵啲數口精嘅同學幫幫手。」我
「OK！」軍豪
————————————————————
「嗱，你哋呢度嘅資源總值呢就係四十七萬零四千蚊。」我
「有冇計錯數啊？你唔好呃我唔識野喎，全部嘅嘢都係執返嚟嘅加埋都唔值錢啦，你係咪呃我啊？」軍豪問
「軍豪，你哋行咗大半個黃大仙區執返黎嘅嘢喎。梗係值呢個價啦。」我
「呢度只係嘢食，我帶你去睇下日用品。」軍豪
「將你所有日用品嘅資料攞晒俾我呀！記得拎計數機呀」我
「紙同筆，要唔要？」軍豪
「梗係要啦！」我
「廁紙、消毒藥水、急救用品等等，呢度係資料。」軍豪
「呢啲野嘅資產總值係三萬零五千。」我
—————————————————-
「子寧、家盈幫我搵吓我哋呢度嘢食日用品等等所有資源嘅資料，包括價錢同數量！阿行，你幫我手計數！」我
經過一番計算
「我地呢邊資源嘅咁即係五十九萬六千蚊。」我
「咁多？真係㗎？」家盈問
「梗係啦，你哋行咗大半個黃大仙區執返黎嘅嘢喎。梗係值呢個價啦。」我
—————————————————————————
我叫晒所有人去到兩間學校近中間嘅馬路嘅位置，帶埋三四塊黑板同一啲粉筆，用鐵馬水馬建出一個地方
「因為大家都曾經為呢啲資源出過一分力，所以我想幫大家重新分配股權。」我用咪令大家都聽到我講嘢
「咁啫係點呀？」係Marco問
「你哋兩邊都成日想霸晒啲資源，資源都唔係淨係你哋嘅，各位師生都有力出力，大家都應該分返一份。好啦，所以持有各種資源嘅人，都有權持有倖存區嘅貨物股權。」我
「但係我哋先係話事人喎！」關Sir
「你哋得間爛鬼學校咋喎，當初冇人岀心出力去幫大家搵資源，你地會有今日？我而家就定每個星期日為結算日。打個比喻，今日我豆豉鯪魚股權50%，每個結算日之前搵到嘅豆豉鯪魚一半嘅係我嘅。」我
「以貨品代替股票，唔錯唔錯。」Edward 大叔點點頭道
「總之，每個擁有各種貨品最多嘅人，每一個結算日就會將佢歸類為大股東。大家有冇異議？」我
「冇！」眾人異口同聲回答
「喂肥豪！其實佢噏乜？」Marco問，肥豪係軍豪嘅花名
「唔知，不過幾有道理咁。」軍豪
「叻仔，一於幫大家定好啲股價！」Edward大叔
「大叔，股票你又識？」我
「話晒我都係股神，我教Econ㗎！」Edward大叔
「如果大家有興趣玩股票嘅話，就留喺度啦！大家記住，用呢啲食物同必需品嚟博弈，係有風險㗎。」我
我用粉筆同埋長間尺喺黑板仔上面畫上直線同橫線，形成上面係正方形，下面係長方形嘅空間
「好啦我以五香肉丁做個例子，全部五香肉丁加埋嘅總值係$10000，五香肉丁嘅數量有590罐，即係話每罐五香肉丁嘅股價就係$16.9。大家明唔明？我想請各位數學唔錯嘅同學或者老師幫手將所有物資嘅總值除以數量，將佢哋嘅股價寫係黑板上面。」我
「冇問題！」阿行
「得啦！」朗逸
「豆豉鯪魚有三百七十九罐，總值係$10574.1，記住股價唔係單個售價，總值係所有唔同價嘅物品加埋。豆豉鯪魚嘅股價係27.9。明未？」Edward大叔
「肥豪，呢個價咩嚟㗎？」Marco問
「我一睇就知啦，呢個係廠價，呢個係幾多貨，呢度就係每股幾錢。」軍豪
「嘩，發達啦，廁紙廿幾蚊卷呀！」阿行
「以後呢度就係大家嘅交易平台，呢度就係股價，如果大家覺得呢個價係合理嘅話，就可以將自己手頭上嘅貨放出嚟，換取一啲相應價值嘅貨品，自由巿場，OK?」我
「好！等我打個比喻，如果我手頭上有某一個數量嘅肉丁，我見到肉丁嘅價錢由16.9升到上18，我覺得價錢合理，我就賣。如果我想買廁紙，我覺得價錢唔合理，要成卅蚊一卷嘅，咁我哋要等等到有人出一個合理嘅價錢，卅蚊唔合理，我咪等到廿幾蚊！」Edward大叔
「大家記住，所有物品就等於錢，大家要好好運用呀！」關Sir提醒大家
————————————————————
河塘中學入面
「我查過啦，而家嘅朱古力同雪糕係最值錢架！分別係每股$89同$190。」Marco
「唔係喎，好似急救用品值錢啲喎！」軍豪
————————————————————
協記書院入面
「如果俾我攞到所有罐頭嘅控制權就發達啦！」家盈
「你真係唔識個喎，梗係買廁紙啦！」Suki
「幫我放個假消息出去，廁紙最有潛力，我要銑佢哋一鑊！」阿行
——————————————————-
「歡迎嚟到交易現場！」我
「喂！廁紙最值錢喎！」一個同學
「訓身買廁紙！」阿行大叫
「係囉，係我就訓身喇！」朗逸
「好喇，無論升定跌，都係一樣嘅啫，就算大家唔買賣，都可以見到所有貨品嘅股價，升定跌，咁就唔會比人呃！」我
「我同關Sir將會建立經紀制度，等一啲數口精又靠得住嘅同學可以幫大家做經紀，咁大家就唔使拎住啲貨物走來走去！經紀會幫大家儲存所有貨物。以人數計，我哋需要大約五十個經紀。只有經紀可以去交易廣場，以後大家要攞貨或者買埋呢就可以去經紀行，即係貨倉，understand?」Edward大叔
「Yes 」大家
—————————————————
「我唔明喎，頭先太多人唔好意思問」家盈問
「嗱，打個比喻，膠紙一卷$30.1，覺得價錢啱嘅咪入貨，如果有人搶購膠紙嘅話要點做？」我
「Errrrr....係咪要托高個價？」家盈問
「冇錯，當價錢升到上$32，我出31蚊咪冇人賣俾我。如果有客想要，佢一定要出超過$32，就係咁簡單～」我
「Well done, 解決咗我哋兩邊嘅爭拗！」關Sir稱讚我