（喪屍故）末世: （23）闖邪教

第二日朝早，我同家盈以及一啲關係較好嘅同學送阿宙、阿賢、阿龍、阿Jack同阿永去到閘口。

阿宙話佢哋打算喺九龍城嘅碼頭偷一架船，用地理堂嘅地圖集同指南針，嘗試往蒲台島出發。

「你哋係咪諗住做海賊王。」我笑一笑道

「唔好掛住我。」家盈話，阿宙摸摸家盈塊面，點著咗支煙，吸一啖，錫家盈一啖，煙霧由二人嘴唇當中滲出－Good Bye Kiss

「兄弟，再會！」我同佢攬咗攬





「再會！」眾人異口同聲表示

送咗佢哋走之後，我上咗去學校嘅Office，阿宙臨走之前想家盈唔好再做領袖人物，於是我哋嘅領袖就變咗做關sir擔任。而我就負責幫佢手維持和平穩定。

————————————————————

「O仔，我有啲嘢想你幫手查一查，係關於一個新興嘅宗教，佢係基督宗教嘅異端，我哋有啲成員都加入左嗰個宗教。」關sir

「好，我試吓混入去。」我





「萬事小心！」關sir

————————————————————

我去到附近嘅一間教堂，偷偷張望入去，誰不知比一個神父發現左我

「咦，你咪係我上次馬路見到嘅同學仔？」神父

「係呀，神父你好。」我





「同學仔，要唔要得到上帝嘅救贖？」神父對我微笑

我意外觀察到神父身後個花盆滲出血跡......我嚇到有啲心寒

「歡迎我哋嘅新弟兄，O仔」神父拉住我手臂，把我拉到聖堂中央。

聖堂入面每個人都係有住仁慈同祥和嘅神色，令我不其然打咗個冷震，原來有時啲嘢太過美好都唔係一件好事嚟。

「不如你自我介紹下。」神父對我微笑點頭。

橫掂都係，索性玩大佢

「大家好呀，我叫O仔」我






「O仔，你好。」所有教眾好似被人洗咗腦，一齊講


「我呢……其實係一個無神論者，相信上帝已死」我話口未完，席上嘅教眾已經面色一變

佢哋好似唔敢相信我喺度講啲不知所謂嘅嘢

好！我就係要呢啲！胡師傅一出，我就要搞串個party！


「點解你哋相信上帝？」我指住其中一個阿姨
「就你啊，點解相信上帝嘅存在？」

「因為..上帝會保佑..帶領我哋上天堂。仲有啊，呢度會俾食物我哋」阿姨口窒窒咁答





「需知道，萬物嘅根源係由一種叫希格斯玻色子嘅粒子做根基，包括你眼前嘅所有景象。」我望向背後嘅彩繪玻璃窗上嘅耶穌像

「神見世人有天災、有瘟疫，每日發生住各種不幸嘅事，但係都肘手旁觀。」我繼續講

「上帝係為咗俾考驗我哋人類。」一個中年大叔

「佢嘅考驗啊，係殺咗世界全部人除咗一家人啊！仲有，考驗完我哋之後有冇打救人類？無啊！一切都係由人類嘅科學研究救活番。所以我相信人類自己嘅命運應該由自己掌握。」

「咁點解自古就流傳上帝嘅事跡？」係Suki

傻妹……

「問得好，因為宗教本身同皇室有利益輸送，皇室統治者為咗令人民犯罪率減少，就派宗教滲入民間洗腦，同佢哋講做錯事並唔可以上天堂，只可以落地獄受苦，借此嚟威嚇想犯罪嘅人……為咗令世界變得更美好，所以人們就開始傳流住喱個宗教嘅事跡。係中世紀末期都出現咗贖罪券，同埋厭世嘅神職人員大多數都係斂財。」我企左喺階梯上望住佢回答

「想令世界更美好……咪就係上帝嘅目的囉？」Suki





「無錯，所以……想世界更美好嘅我哋，就係上帝……就係神。」我張開雙手，享受眾人嘅目光

陽光穿過彩繪玻璃窗，將上面嘅耶穌圖案反射喺我身上……

我形同上帝，再加上我仲要將開箱手同佢哋講道

「神啊……」其中一個教眾

「上帝顯靈啊……無錯……我哋就係自己嘅上帝，大家都係想令自己世界變得更美好！」又一個教眾

呢個時候有部份人起身跟住佢哋嗌「教主仙福永享，壽與天齊」

「喂！你哋做乜春啊，我表達個人意見咋喎」我





「你哋不如坐番低先……」我站起來說，那上帝圖案便不會反射在我身上。

「B哥，我想跟你。吖唔係，教主，俾我哋跟隨你。」有部份教眾走了上前向我跪拜

「我哋相信命運中自有主宰，你竟然係呢段日子嚟到，就表明你係嚟打救我哋。」其中一個人

痴L線

「你哋唔好咁，你哋都係上帝嘅兒女！」神父制止佢哋

最衰都係呢個神父，將呢班人洗腦去到呢個程度，簡單幾句加上光線，我就變咗神

「俾我見教主！」
「唔好阻止我哋！」
「教主！」佢哋嘗試行去我面前

「嘩，頂吖！真係痴線！都係喳喳林走，一陣比佢哋溶咗。」我