（喪屍故）末世: (15)彩虹七子
我哋由斧山道直踩到龍池徑，觀察一下彩虹一帶的生態。
頭先嘅喪屍大軍向觀塘方向跑走左，我諗應該係有啲唔好彩嘅人引走左佢哋
當我哋行到彩虹邨天主教英文中學時停左一停，因為相信入面應該有好多物資
「如果唔係喪屍爆發，我諗我地而家仲上緊堂」我
「返學真係幸福」阿永
突然阿龍腳步低咗落嚟
「係小食部！」阿龍笑住指住小食部咁講
「係！小食部可以係食物補給！」阿宙
「嗚嗚嗚嗚───！」
轉角位突然走咗一隻男喪屍出嚟，身穿軍裝......頭髮中間分界，我隱約看得出佢係一個警察
阿永當先拿出太刀，往個警察嘅頸動脈一下劈落去：「你老尾！死黑警！去死啦！你老尾！」
阿永劈死個警察後行到汽水機前面用腳大大力地踢一下，
「砰─！」
一罐可樂跌咗落嚟，佢拎起嚟飲：「爽到仆晒街啊！」
我哋忍唔住啞笑失聲，因為好少見阿永咁癲。
「Sor，岩岩太High」阿永
「要咁先至爽架嘛！」阿宙又打開咗罐汽水飲咗啖
我行過去小食部用豬肉刀劈爛鐵捲門的鎖
「仆你個街吖……！係一個食物倉庫！」我
我睇住周圍唔敢相信到而家學校小食部都仲未被搶掠過
阿龍隨手拿起一包薯片：「人就係咁，越普通既野越唔記得，如果唔係我地想懷念下返學嘅日子，都不會諗起學校有小食部」
我諗咗一諗：「不如我地大本營轉做學校好唔好？」
「唔好啦！我建議我哋應該周圍走，學校有咁多資源，我地搵下學校入面仲有冇喪屍先吖不如？」阿永
「咁我哋喺度抖一日啦！」我
「好！」大家
我哋行哂成間學校的每一個課室、廁所同教員室都冇喪屍
「好，學校應該冇喪屍」我
「喂！你睇吓！」阿宙show下佢手上面嘅手槍
「吓！你把槍係邊度嚟㗎？」 我
「頭先個警察」阿宙
阿永將學校大門用鐵鏈鎖起，另外我哋撕咗啲書嚟起火取下暖
下午六點幾，寒風陰陰吹來，天空陰陰沉沉。
「係呢，阿永，你嗰兩把刀有冇名㗎？」我
「量產刀點會有名？真係冇諗過，本身呢兩把都唔諗住長用」阿永
「咁你咪而家改囉，啲劍客嘅刀正常都會有名嘅。」我
「就叫陰刀同陽刀，懶得諗。」阿永
「好，左陰，右陽。」我
我用自己嘅軍刀喺佢兩把刀近柄嘅地方上面刻上，「陰」同「陽」兩個字
食咗啲嘢之後，我哋就訓左一晚
第二日醒咗，我看著對面嘅公園仔，有個人比七個個頭染成紅、橙、黃、綠、青、藍、紫嘅mk仔圍毆
「喂！兄弟，我想過去救人！」我
「但係嗰度咁多人打佢，你覺得佢未死咩......？」阿賢
「唔知，但係都要搵下......你哋要唔要一齊？」我
大家點點頭，我哋就整裝待發。
我哋由彩天行到威豪花園嗰頭嘅公園仔，中途殺左兩隻喪屍，感覺上佢哋又比上一次更加勁。
我哋行到埋去，我哋已經準備好作戰
我一腳側踢踢喺紅頭仔身上，將佢踢開。
個藍頭仔喺嗰個人嘅面上lur咗啖口水，用刀指住我哋講：「做架樑！」
「哈......！又有新嘅獵物」黃頭仔
紅頭仔撳住心口，指住我哋大叫：「我要報仇！」
青頭仔除咗條褲fing下fing下：「琴晚個女仔...」跟住佢指著我們：「係WO......你地個堆人有冇女啊！？」青頭仔露出淫賤嘅表情。
「冇喎！！」橙頭仔
「係罪大惡極！」紫頭仔
「O仔，我地做咩好......」阿龍問
「打過啦，六個打七個我地未必會輸。」我
突然一槍打咗去青頭仔嘅子孫根
「你老尾......暗算我......」青頭仔冧低咗
駿少拎住電鋸衝過來，佢一向都好文靜，真係估唔到佢每次打起上嚟都咁兇狠
「頂你個死矮仔！」紅頭仔
「Purple，你拖indigo走先！」藍頭仔
「由我哋斷後！」黃頭仔同紫頭仔話
「一人唔擺低隻手唔準走！」阿宙
我扶起嗰個畀人打嘅少年
「你叫咩名？」
「宋傑天。未請教？」佢話
「O仔」我
「多謝晒O仔哥同班兄弟救左我一命」宋傑天
「你哋班仆街！」黃頭仔
「攬炒囉！」紫頭仔
紫頭仔衝上前，挨左阿永一刀，用把軍刀捅死咗宋傑天
宋傑天一卒！
「嘩！陰公囉，啱啱出場就死Q咗」阿龍
「一個不留。」簡單而短促嘅句子
「殺！」我仰天長嘯，人與人相見相遇相識
天都落起大雨嚟
我先下手為強，向前面劈一刀，佢又用鐵通一下打落嚟，我左手一撥，右手用把自製軍刀刺入紅頭仔隻眼，絕不留手。
同時阿龍一腳踢向後面嘅橙頭仔，出腳好快！但係阿龍因為天雨路滑嘅關係跌低左。佢急忙起返身面對眼前嘅敵人。可惜，喺戰鬥當中有失誤，就好容易比敵人反擊，係稍有街頭搏鬥經驗嘅基本常識。
橙頭仔想插佢面門，阿龍向横一閃，只見一把刻上「陽」字嘅太刀劈向橙頭仔。阿永高乎：「咪玩啦，你一個夠鬼打咩」
另外綠頭仔一刀劈下，阿永先以左手陰刀格擋，再以右手陽刀斬向綠頭仔。
黃頭仔用鐵通攻擊阿宙，阿宙左手擋喺黃頭仔嘅脈門位置，一個批踭，批向黃頭仔。
阿宙左手臂套住佢下顎之下成V字型，然後勒緊，阿宙右手臂橫在佢後腦，然後左手從下往上緊握住右臂關節，右手掌頂住佢個後腦用力向前推，絞殺佢。
藍頭仔喺阿賢背後偷襲，「危險！」O仔從來唔會令兄弟失望，佢一腳踏地，一腳後發先至，一記側踢撐出，中！用最簡單直接嘅方法踢開對方。趁對方中腳，運力把他雙手甩開。一下狼牙棒毆落去，對方即時血流滿地。
「紫頭仔呢？」阿龍
「呢度！」駿少「一早解決咗佢。」
決戰彩虹七子，大成功！