（喪屍故）末世: （12）發現幸存者

跟住我哋諗住行返入商場搵啲物資，順便休息下，畢竟大家都攰喇

「我哋應該去邊度呢？」我

「去搵間五金舖囉！」駿少

「唔得囉，我要去金鋪拎條金鏈帶下囉！」阿宙

「哈哈，好呀」我大笑兩聲





於是我哋就行去周六叔金行，搵咗支鐵筆撬開咗道閘

阿宙即刻衝左入去打爆玻璃櫃，拎咗條金頸鏈掛係條頸

「好，走啦」我

「唔得，一場入到黎梗係老虎蟹都拎多幾條金啦」阿宙「乜原來大家都唔係咁想要金，咁算啦」

「係囉，攞埋呢到咪算囉，都冇晒啦」我





「係呢啲時間梗係有午餐肉先至有女㗎啦」阿賢

「好！咁我哋走啦！」我

「大家臨死之前想食咩？」阿宙

「做乜咁突然？！」我

「睇吓大家想食咩姐」阿宙





「睇吓黃大仙中心有咩食好過啦！」阿賢

「琵琶撚廚囉！」我

「好」眾人異口同聲咁講

我指著大門：「兄弟，將出面商場道大門度鐵捲門拉落黎，一陣比喪屍或姐陌生人入左黎就死。」

「喂！過黎睇吓！原來入面個廚房係咁架！」駿少大叫。

阿宙出去拉完鐵捲門後話：「大驚小怪，想當日番pt做食肆，都唔知對呢啲廚房幾熟悉」

隨住日子過去，因為阿賢需要養傷，所以我們四個都喺呢個商場住一日，我哋選擇咗黃大仙中心嘅一個平台上面留宿，地方唔錯，風涼水冷

今日，看到駿少反覆對著牆練習攻擊喪屍





「記住要斬頸或者頭，如果唔係喪屍唔會死」我

「咁如果我要殺人呢......？」

我沉默左一陣：「殺人既話.......你就要有凌駕於佢既氣勢......」我諗起電影入面嘅對白同情節，「同埋，最緊要夠狼死！」

「姐係......？」駿少問

「冇......冇野，總知無論係人定喪屍，你一定要捉到對方下一個動作......只要你一失誤，死既自然係你......」我講完就拍拍佢膊頭行開咗

星，星星，閃爍嘅星星，如果唔係人類社會變成咁，我哋都好難喺市區當中見到咁多星星

始終商場地方太大，難於防守。





「喂！有冇人救到我啊！？」一把陌生嘅聲音

「啪！啪！啪！」鐵捲門被拍打的聲音。

大閘外傳嚟一個男人嘅叫喊聲，我哋四個都聽到

「阿宙你埋伏係到有咩事救我哋，阿賢你去二樓個到睇位，駿少同我出去大門睇下咩事。」我

講完之後，大家各就各位

「你係邊個？」我行去大閘前

「我係人啊，出面好多喪屍！快D比我入黎！」

這男人說話聲線中帶點疲憊：「哇──！嚟哂啦！救我啊！」





「阿賢，出面係唔係真係有喪屍？」我說。

因為阿賢身處二樓，可以透過玻璃窗望到出面嘅景色

阿賢驚訝咁話：「係呀！仲有一大堆啊！」

「救唔救？」駿少望住我。

我諗佢嘅生命而家已經交到我手上......

「救命啊──！阿媽！Sing hallelujah to the lord ！！我死得啦！！」條友好似痴咗線咁

駿少笑說：「條友成個傻仔咁既......救黎都冇用......」





「開門」我

駿少望一望我

跟住，駿少把鐵捲門拉開。

嗰個人容貌平庸，身材中等。行咗入嚟之後，駿少就即刻拉埋鐵閘

「哇......真係好彩......唔該哂你地！唔該哂你地！」條友嚇到成身震抖。

佢身穿M記紅色外賣衫同外賣帽

「喂！阿宙，金拱門喎！」阿賢

「你叫咩名？」我問

「我叫......林正閱我，叫我「我」就得啦......」佢上氣不接下氣。

「我地入去先講」我伸手扶起「我」。

「啪！啪！啪─！」

可惡嘅喪屋

「『我！』可唔可以講下你既來歷？」我

「我」定一定神：「我本來有一晚渣緊電單車送M記外賣......點知中途有條友走左出公路，我即刻轉彎之後就炒車......我再打開隻眼個時，一個人唔似，鬼唔似鬼既人行緊過黎，我緊係即刻走佬......又好在佢地好似唔識跑咁......所以追唔到我。」

「之後呢？」駿少好有興趣聽埋落去。

「之後我就想拎電話出黎報警......點知電話炒果時壞左......我就走到7仔個到，咁睇到對面條友既i-phone播左段新聞，話爆發左喪屍病毒......個時我就知......我既使命係咩......」「我」的眼神開始變得銳利。

「你使命係咩......？」阿賢問。

「香港第一喪屍獵人──！」「我」站起來向上仰望天空

「哈......哈哈哈哈！！！」我們四人不禁笑了出來。

駿少笑說：「你老闆，你岩岩咁既款去做喪屍獵人？」

「唉......我就係以為自己係主角，之後自己係便利店偷完食物同水之後搵左間荒廢左既小屋住」「我」個頭開始向下

「過左幾日我等情況定左落黎之後再去五金鋪偷左一把大鋸想殺喪屍......點知D喪屍真係多到我估唔到......最後走到黎呢到......」「我」用雙手按著自己的臉孔。

阿宙拍手：「一個由金拱門外賣仔變到做喪屍獵人既經過，唔錯唔錯！」

但係我開始已經有啲躁......因為啲拍門聲......

「O仔......你額頭流哂汗，洗唔洗休息下？」阿賢問。

「唔洗。」我抹走額上面嘅汗

「『我』，你今晚係到休息下先啦！又或者你揀一張床辱去其中一間鋪頭度訓啦」我帶佢去海龍牌床辱嘅鋪頭

「去返你嘅金拱門啦！」阿宙

冇幾耐，我哋全部都瞓着咗