恐怖蔓延令你一讀一驚心《攝魂偽術家》18+ 墮落始源: 第105章 - 墮落始源

時光逆轉，韓擒虎看見自己正身處位於金陵的陳國金鑾大殿之內，訓斥前來跪地求情的女兒。
「爹，子瑜只係一時失言，求你赦免佢死罪，只要爹能收回成命，女兒自當應承下嫁當今太子！」
「女兒，為咗大隋能夠統一天下，嚮金陵的陳國降軍一定要死；至於子瑜，佢膽敢跟妳相戀，壞我好事，亦一定要死！只要佢一死，妳先可以專心做太子妃，咁我他朝先可以名正言順成為一人之下，萬人之上的國丈，到時候我就會擁有半個天下！然後韓家就可以呼風喚雨！」
「爹，嚮你心目中根本所有人死活都唔重要，佢地都只不過係你隻棋子！你最關心都係你自己！我以後無論生死與否都不需你理！」女兒大哭，拋下狠話後便迅速離開現場。

閻羅王趨前欲阻女兒離開及走上絕路之際，所有景物突然消失得無影無蹤，一切眼前人頃刻灰飛煙滅，就如水月鏡花一般，當中更包括另外一個自己。剎那間，周遭的景色開始改變，由金碧輝煌的皇宮變成飽受戰火洗禮的秦淮河。閻羅王來到四下無人的河邊，眼見河堤岸邊佈滿著軍人屍首，當中還有一些人身首異處，他深深地明白眼前一切都是出自他的手筆。正當閻羅王大感訝異的同時，遠方出現了一名女子。女子眉頭深鎖，一臉落寞。
「小女子今天一死，即與人間一切倫常斷絕關係，但願日後無論去到凡間抑或地府，於三世書內一律絕不記載小女子輪迴再生去向！」女子突然向天長嘯。
「乖女......乖女......同我企嚮度！妳千祈唔好做傻事！」閻羅王自言自語地說，期間奔向女兒呆站的所在地，但是無論他雙腳走多遠，雙方距離一點都沒有拉近過。閻羅王最後更目睹女兒投河自盡的一幕。
「乖女......乖女......唔好跳！」閻羅王做夢都想不到，自己跟女兒原來是生不逢時，即使他能改變其他人的命數，但對自己女兒偏偏卻無從入手。





輾轉之間，時空再度遷移，閻羅王回到自己正襟危坐的大殿內。 
「原來眼前一切只係......南柯一夢。」閻羅王說話時若有所思，赫然發現自己頭髮變了全白。「我韓擒虎死後到地府做閻羅王，無非都只係想搵返我日思夜想的女兒，估唔到原來人算不如天算。」
「閻王陛下，你認為權力重要，抑或親情重要？」解籤人說。
「一切人間情慾都係受到孽障驅使，如果可以揀的話，我寧願放棄權力，只願跟她重見，求佢原諒。」
「你能如她所願嗎？」
「我只想要一個贖罪的機會，可惜一切已經太遲。」閻羅王說話的一刻梟雄低首。
「未算.........」