恐怖蔓延令你一讀一驚心《攝魂偽術家》18+ 墮落始源: 第96章 - 魔鬼交易

我從一片混亂中慢慢恢復意識。四周都是打鬥的痕跡，加上破傢俱、彈殼、子彈孔和催淚煙，令一切看起來滿目瘡痍。
「菲比，妳冇野嘛？」阿賓說。
「我嚮邊度？你地捉到個女的嗎？」我問。阿賓報以堅定的眼神示意這裡已經安全，他曾叮囑過我千萬別走進屋內，我想應該是陸無窮令我違反阿賓的指示。於體力透支下，加上在室內無意中吸入過量的催淚煙，令我最終暈倒。
「冇。俾個女人走甩咗。仲有，嘉恵啱先嚮醫院WHATSAPP過來，醫生話何SIR一直昏迷不醒，情況極為危急。」想不到阿賓的說話在我耳邊猶如晴天霹靂。
「冇事嘅。佢一直都好堅強。我要去醫院叫醒佢！」我說話的同時，面上突然傳來陣陣涼意。
「妳不如先冷靜一下。」阿賓說。
「你地搞錯咗。佢唔係一直都逢凶化吉嗎？佢仲要同我結婚.........」說話時舌頭所感受的鹹味令我意識到面上的涼意竟是源自我的眼淚。

當事件平息後，我與阿賓通宵上路，翌日清晨趕到醫院，馬上看到嘉恵在深切治療部病房門外迎接。
「女證人已經醒返，我地仲同佢落緊口供，但係為咗證人安全，我地對外並未公佈佢個健康狀況。但係何SIR佢就........」嘉恵向阿賓說。




「定邦到底依家點？」我緊張地問。
「醫生話何SIR嚮快艇爆炸前最後一刻跳海，由於衝擊波導致暈倒並且遇溺，能夠救得返已經算好彩，可惜一直不省人事，如果三日之內唔醒，恐怕會變做植物人。」嘉恵對我說。

話畢，我立即衝進病房內，看到定邦躺在病床上，身上插滿各式各樣的醫療儀器，包括呼吸機和心跳監測儀等，由於前天我們才一起共晉晚餐，此刻的我面對眼前的景象感到無比抗拒，甚至無法置信。
「點解會咁？點解呀？」我開始喪哭並且大叫起來。

我的聲浪立即引起附近的人注意。經過當值護士的勸諫下，我開始冷靜下來。畢竟此刻的定邦需要我和家人的支持，於是我立即致電通知他的爸爸媽媽，並應承在他們趕赴醫院前留下來。由於我徹夜未眠，唯有在病房門外稍事休息，所幸阿賓選擇留下陪我。然而倦極的我開始倒頭小睡。
「何定邦命數已盡，再加上倩兒，如今只有妳先可以救佢地。」陸無窮在我夢境內回應。
「點樣去救？」我問。
「直接去搵閻羅王講數，但要付上高昂代價。」




「你帶我去，無論咩代價我都肯出。」我不假思索地回答。
「代價係妳條命。」