致香港人：《香港方舟》: 第五章 — 前夕（3）

⊕
 
「喂喂。」
 
啡髮女子的頭上依舊繫著鈴鐺。
依舊向著那名剛認識了不久的陌生人。
 
「你餓唔餓？」梅梓雪拉了一下尹樂遠的衣袖。
「啊、嗯。」尹樂遠也被梅梓雪這一拉而從埋頭苦幹中被拉回了現實，「Sorry，我掛住做野，冇留意你餓唔餓添。」
「唔緊要啊，我都冇自己話餓。」梅梓雪看著尹樂遠營幕上顯示著的數據，「睇離呢個女仔，對你離講真係好重要。」




「...你講咩？」尹樂遠也不知道自己到底是真的反應不及，還是故意想避開梅梓雪的問題。
「應該係送呢條手繩比你既女仔？」梅梓雪把手指向尹樂遠的左手手腕，「我見你每日都戴住。」
「...佢叫廿二。」是有名字的。雖然不是真名。
「真係好，可以令你咁珍惜佢送既野。」梅梓雪微笑看著尹樂遠，「喂喂。」
「你想食咩？」尹樂遠這下子真的放下了手上的工作，「叫外賣比人認到係右派既話會有d危險，所以最好都係自己煮。」
「我喂你，唔係催你整野食。」梅梓雪繞到尹樂遠的另一邊，讓他能正視著自己，「我係想同你講，我中意你。」
 
尹樂遠本來還分神地想著剛才數據的內容及邏輯。
但聽了梅梓雪的話，立刻仰頭望著她。
 




「...你認真？」尹樂遠並不打算責備梅梓雪玩笑般的話。
「認真。」梅梓雪直盯著尹樂遠，「每次同你講，都係好認真。」
「...咁最好趁感情未深既時候放棄。」尹樂遠站了起來，往廚房走去，「我呢種人，唔值得中意。」
「點解？」梅梓雪跟上了尹樂遠的腳步，「我都係奴隸，我地冇階級問——」
「我隨時都預備去死。」
 
尹樂遠吐出這話時的平靜，使梅梓雪更是無法理解。
 
「無論係為咗公子，抑或為咗廿二。」尹樂遠轉頭望向梅梓雪，「我隨時有為佢地而死既心理準備。」