致香港人：《香港方舟》: 第一章 — 曇（2）
⊕
黑暗。
血。
殺戮。
眼中，看不到其他事情。
求饒的聲音。
慘叫的聲音。
『求下你放過我個仔，佢得六歲，佢係無辜——』
『爸爸！！唔好殺我爸爸，嗚嗚嗚...』
那邊...
還有一群人。
等著我去殺。
呼吸...
呼吸不過來。
很討厭。
不想聽見。
不想再殺人。
不要再...
向我求饒。
「淵靈。」
.........？
朦朧地張開眼睛。
眼前的男生，正溫柔地替自己擦著不斷冒出的冷汗。
五官清秀，有一種陽光的氣息，但仔細看上去又散發著一種溫文爾雅而憂鬱的氣質。
仍然...
如此溫柔。
杜淵靈繼續喘著氣，汗也沒有停下來。
「公子。」神志開始清晰過來。
「嗯。」歐雨峰聽了杜淵靈這一喊，莞爾一笑，「醒咗？」
「係...」杜淵靈咽了一下口水，「淵靈而家起身。」
「有冇邊度唔舒服？」聲音也是如此細膩與柔情。
「冇。」杜淵靈被歐雨峰扶著坐了起來，「淵靈馬上起身。」
「柏橋同阿穗離咗，阿遠都已經煮好野食。」歐雨峰聽著這話，便也站了起來，「自己抹下身上面d汗，換過d衫再出離。」
看著被關上的門，杜淵靈才稍稍安靜了下來。
然後，按著自己仍然傳出陣陣痛意的前額，逐遍深呼吸著。
不知道自己在哪裡，只知道自己在殺人。
再有意識的時候，眼前是那高佻、成熟的男生。
要算的話，已經不知道算是第幾次了。
最近都是像現在一般，在近戰之後的第二天早上。
只記得第一次，是於地下奴隸市場時。
「淵靈。」歐雨峰看見往飯桌走來的杜淵靈，也輕聲呼喚著。
「杜淵靈，代號廿二。」杜淵靈立刻站好，像平常訓練時那樣。
「得啦，過離啦，冇外人。」歐雨峰微笑看著這樣的杜淵靈。
「遵命。」杜淵靈也放鬆了下來，「阿穗，你地今日過離做咩？」
「聽日你地出棋，所以我地兩個離確認一次武器，仲有你地既狀態。」眼前一頭黑色長髮的女生正坐在餐桌前，「坐低食咗野先啦，阿遠煮既。」
「到底邊個係管家，邊個係護衛？」一名戴著圍裙的啡髮男生拿著一盤雞翼走到餐桌旁，「廿二，你又係咩都唔做。」
「管家護衛呢d都係post離嫁姐。」杜淵靈反駁著道，「況且，明明係你主動話要負責煮野食既。」
「...我唔忍心公子要食垃圾。」啡髮男生經過了歐雨峰，身段看上去變得更小。
「尹樂遠，你——！！」杜淵靈正想坐下來，卻被男生的話給激怒了，「哼，今晚訓練場見。」
「十八廿二，聽日出棋，要決鬥既話，勸你地擇過個吉時。」一名頭髮滲著藍色，皮膚白晢，與黑髮女生一樣睜著一雙杏眼的男生也走近餐桌，「況且，睇離你地今晚另外有任務。」
「任務？今晚？」杜淵靈看了柳柏橋，又看了歐雨峰，「公子，我地今晚有任務？」
「嗯，臨時任務，陣間同你地解釋。」歐雨峰分發著餐具到每個位置上，「有好食既野，當然要食咗先。」
「...公子就從來都冇一次講過我煮既野好食。」杜淵靈不快地嘆了口氣，「柏橋，不如你教下我煮野食啦。」
柳柏橋撥了一下他的藍髮，坐到黑髮女生的旁邊。
「淵靈，你既天賦既然唔起烹飪上面，就專心練武啦。」柳柏橋微笑著分發杯墊，「你睇下阿穗平時叫我煮野食既時候係幾理直氣壯。」
「我係因為太忙，唔係因為唔識煮。」楚筱穗看著坐在旁邊的柳柏橋，回答得非常堅定，「靈，聽講你琴晚又犯咗禁？」
聽見楚筱穗的話，杜淵靈狠狠地盯著放下最後一碟天使麵的尹樂遠。
「唔洗倔住阿遠啦，係我逼佢比我睇任務執行記錄既。」歐雨峰調停著道，「況且，即使冇記錄，我都有方法可以估到你地做咗d咩。」
「你地公子就講得冇錯。」柳柏橋也和應著，「你每次一近戰完就會發惡夢，有幾難知道？」
「......」杜淵靈猶豫了一下，還是放棄掙扎，「公子，淵靈知罪，但係如果唔近攻既話，目標人物就會走甩，而且我地亦唔可以用手榴彈，你話過唔想我地傷害無辜既生命...」
「...聽日出棋之後，去釣三桶魚翻離。」歐雨峰決定著道。
「三桶？！！！」杜淵靈驚訝地重覆著歐雨峰的決定，「公子，你如果要罰淵靈，不如比我讓單手去幫你做多三次任務——」
「淵靈，長期持續殺戮會令人盲目，組織做暗殺任務，目標只係清除對市民造成禍害既人，你本性純良，我唔想你終有一日會成為殺戮輕如嬉之徒。」歐雨峰輕皺著眉，「去接觸大自然，可以訓練你既耐性，亦有助你感受生靈之氣，減輕殺戮對你造成既不良反應。」
「...知道，請公子唔好為淵靈煩惱，我聽日就去照做。」杜淵靈看到歐雨峰擔心的表情，態度立刻軟了下來，「淵靈應承你，如果聽日唔釣夠三桶魚，就唔會翻離大宅。」
「唔準用毒殺。」歐雨峰不忘叮囑道，「都唔準搵阿遠幫你。」
杜淵靈聽著這話，更是感到百辭莫辯。
歐雨峰總是能夠猜出杜淵靈的心思，甚至比杜淵靈本身更了解她。
「淵靈。」柳柏橋劃破了極安靜的氣氛，「知唔知道把鐮刀既主人係邊個？」
「佢冇講低自己既名，淨係話自己係唔知咩死神十二小隊。」杜淵靈這樣說著，像是突然想起了什麼的那樣，除下自己的耳環，把它遞向柳柏橋，「琴日打完之後仲見到有d類似碎片既野起度閃緊，所以就將佢放入樽，你睇下係唔係有用既野。」
「...就咁睇冇咩特別，我拎翻去研究下。」柳柏橋看著透明的耳環內放著的碎片，「唔該你，廿二。」
「直接拎走啦，耳環唔洗還都得。」杜淵靈回憶著昨晚與另一組織對戰時的畫面，「琴晚一開始嗰時，因為佢地用飛鏢，覺得佢地係忍者，但後來見到鐮刀就覺得又唔似。」
「廿二，我講多次。」尹樂遠終於能解下圍裙，坐到杜淵靈旁邊的位置，「忍者都會用鎖鐮。」
「十八，收聲。」杜淵靈再次威脅道，「呢把鐮刀點睇都冇鎖。」
「鎖鐮係講緊有鏈，唔係有鎖。」尹樂遠輕輕嘆了口氣，「你到底係點用武器？」
「唔好嘈。」杜淵靈反射地盯著尹樂遠，「我拎起件武器就用到，咁就夠。」
「唉，兩位見笑。」尹樂遠看著坐在對面的兩位客人，「佢冇常識，淨係識殺人。」
「點都好過d人連殺人都唔識，就去學人出棋。」杜淵靈輕輕鼓著嘴，「如果嗰時唔係公子救你翻離，你死咗十世。」
「每個人一開始未經訓練既時候都唔識殺人，你估個個都好似你咁咩。」楚筱穗也微笑看著爭持不下的兩人，「阿遠當時出棋都係出於孝心，況且佢既天份唔起實戰上面。」
「淵靈，你同阿遠都係阿峰專登揀翻離既人，各有天賦，應該互相合作。」柳柏橋也同樣微笑著，「我頭先睇過把鐮刀，製造既材質好特別，係起香港搵唔到既材料。」
「可以搵到源頭？」歐雨峰也專心地聽著柳柏橋的話。
「靠我一個人既話，未必。」柳柏橋也認真地看著歐雨峰，「我一陣拎佢翻方舟。」
「唔急，可以聽日再處理。」歐雨峰吃著碟上的奶油娃娃菜。
「佢聽日唔起方舟。」柳柏橋抬起頭來，再次在進食途中與歐雨峰對視，「佢都出棋，而且下星期同你地一樣，都要抽籤。」
歐雨峰聽見了這事，也停止進食，沉默了片刻。
「...阿穗，柏橋，陣間入地牢，同我傾d野。」