血色瓦爾基麗號: 第7章: 同伴?

幾經搜索之後，我終於在衣櫃內找到了一把30cm長的保安用電筒並把它塞到唐太宗手中。

「依間房得度木門唔安全，有咩事都冇退路走。」見唐太宗仍然不太想動，迫於無奈之下第一次拉著男人的手，對象還要是一個肥仔，感覺真的不愉快。

我從腰間拔出我的M9刺刀，左手握緊電筒向前出發。沿路上的燈光時有時無，很有恐怖電影的畫面，我想應該是剛才的震動破壞了船隻的發電機導致燈光閃爍不停。

「前面係咩人?」突如其來的深沉男聲嚇了我一跳。

「我地都係乘客黎，唔係怪物!唔好打我地!」我連望向前面的男子說道便慢慢走過去。在近距離觀察之下，這名男子體格壯健，一身古銅色的皮膚，剪了一個平頭裝，身穿白色背心及軍綠色的短褲，年紀大約三十多歲。他的身邊還有一位拿著手機，衣著MK，穿著熱褲染有「金毛」的女子，以及一名書生樣子的瘦弱四眼青年。





「你係邊度過黎？仲有冇見過其他人？」肌肉男問道

「我地頭先係3樓食完野，食完野就見到有怪物追住D人斬，跟坐我地2個就一口氣跑返上黎14樓到! 之後我地入左自己間房，出返黎就淨係見到你地啦! 咁你地呢?」

「我同我條女本身諗住去5/F既機鋪打返幾鋪機既，跟住突然成隻船震左下，之後執邊D人就大叫有話殺人怪物，我地咪即刻唔理三七廿一跟住跑上黎，阿智就本身係6樓圖書館睇緊書，我地走佬上黎個陣見到佢，諗住人多安全咪叫埋佢一齊行囉!」

「我個邊既情況都係差唔多...」阿智學神探伽利略用3隻手指托著眼鏡冷淡地說著，這家伙在這個時候還要裝型，是傻的嗎?

「我叫奶茶王，依位係唐太宗，我中學同學黎」





「士民，我條女叫Stacy!」民哥伸出他強而有力的手和我握手，另一隻手則拿著一把消防斧。而Stacy則繼續禁她的手機和玩弄自己的頭髮，對於眼前的情況好像事不關已一樣。

民哥看見我看著他的消防斧，他接著說:「職業病，我自己係做消防員既，所以拎返自己用開既武器最安心!你都有把軍刀唔弱呀!你做盛行架?」

「我自己都係政府做ACO，不過我就中意收藏軍用品，估唔到竟然有用著既一日!」一路交換情報的時候我亦留意住其他人的情況，Stacy有民哥保護應該就不用武器，阿智有一隻手插左係褲袋到，看不清楚他有沒有武器在手，他亦絕少加入我們的話題，這個人看起來有點棘手及神秘，要小心提防。

「民哥，你地暫時計劃係點? 有冇諗住去邊?」

A.駕駛室
B.警衛室




C.甲版救生艇
D.2樓大堂