我：「不如比你電話我呀？」: 15

又再相隔多唔知幾個禮拜， 
我又同一班朋友去糖水鋪食野。 

今次由一入去間鋪頭已經好唔同， 
我覺得我今日一定「有運行」。 

你知道嗎？ 

我一入去既時候， 
佢望到我， 




就同我say左個hi喇。 

天呀！ 
在朋友面前， 
糖水姐姐主動跟我打招呼， 
多麼的自豪， 
多麼的威風。 







就係因為喱一個微小既動作， 
壯大左我個膽。 

我決定果晚誓要拎到佢電話。

食完糖水之後， 
因為果晚天氣比較寒冷， 
我都唔夠膽坦蕩蕩咁係巴士站等佢， 
廢事凍親， 
所以就同幾個朋友入左去一間餐廳坐住先， 





我就一邊吹水， 
一邊等糖水姐姐。
唔知係咪吹得太興起， 
我開始怕自己走漏眼， 

我決定走番去糖水鋪睇下佢收左工未。 

我幾經辛苦兜左去糖水鋪出面偷偷看、偷偷望， 

好彩， 
佢仲未收工。 


咁我就施施然咁走番去暖和既室內等佢。






一度吹水， 
一邊望住街外面， 
成日都見到啲疑似「糖水姐姐」既物體出現， 
不過又唔係。 


等下等下真係等到好撚夜， 
我相信自己冇走漏眼， 
但係佢又點解會未出現既？ 

夜到我班朋友都話歸家， 
係踏出餐廳既果一刻， 





我班朋友向左走， 
我就向右走， 

明眼人就知我想走番去糖水鋪， 

不過朋友中總有啲牛皮燈籠； 

「你去邊呀？」 

「搵糖水姐姐囉。」 

「下？你黎真嫁？」 

「邊個同你講笑。」 






就係咁， 
我就好蕭灑咁向右邊走。


______________________________________________________________
暗啞的銀色， 
齊整的橫間， 
加上少少生鏽既表面　－　 

鐵閘。 


屌你老味收左鋪既！！！！！！！！！ 





我望住個鐵閘， 
一語不發， 
身體入面既畢氣好似要爆出黎咁， 
真係好畢。 


人去樓空。 

莫非我真係走漏眼？ 
唉。

我繼續追，追到沒法追。 

我收拾心情， 
全速咁離開已經上鎖既糖水鋪， 
前往下一站　－　巴士站 

希望仲可以見到佢一面。
 
巴士站同平時一樣冷清， 
今日更加寂靜。 

因為連平時會係度等車既佢都冇出現。 


我只好「頭DUPDUP」眼濕濕咁走上回家既路途， 
途中我係度諗， 

「如果我冇拎到佢電話，佢就消失左，咁我會唔會後悔呢？」 


我心入面已經有左答案。