《單戀的故事》: Ch.21

其後，到了一對新人的祝酒儀式，我期待著芷晴的演講，她一整天都忙過不停，導致我無法好好祝福她。

新郎向她遞過咪高峰，她掃視全場，閉著眼睛及深呼一口氣：「我無諗過自己會有結婚嘅機會。

我以為自己會孤獨終老，點估到，有個人會傻下傻下咁走入我世界，仲話要照顧我一世。

開頭，我以為佢係玩玩下，
點知，原來佢係認真。

我會努力去做好自己，唔辜負你對我嘅愛意。





今日，好多謝大家嘅出席，希望係各位嘅見證下，我哋會認真咁行一世！」

全場鼓掌歡呼，

而新郎也馬上作出回應：「我原先準備咗好多嘢想講，但係呢個Moment，我只係想講，老婆！我愛你！」

這本應是既甜蜜又肉麻的畫面，
可是......我總覺得事有蹊蹺，希望只是我疑心過重，而非他們的感情有不妥。





後來，我們都渡過了愉快的一夜，當中亦受了不少女友給予我的無形壓力。

「哇～女人著婚紗真係無敵。」

「好Sweet好幸福啊！」

而最後，她會反問我，

「你話係咪啊？」





「當然啦。」我順應她的心意回應。

與她結婚從來都不是難事，相反，計劃婚後的生活才是難題。

雖說我倆的收入穩定，然而要考慮生兒育女、置業等問題，可是要深思熟慮地規劃。

我也是時候好好管理財務費用，為彼此著未來打併吧。

「世界各地最好嘅嘢，我都一定會比到你。」我不自覺地吐露心聲。

「吓？」她不解。

「我最想要嘅嘢，咪係身邊囉。」然後，她挨著我肩膊。

「Hi~Sorry啊成晚好忙，唔得閒過嚟，而加先得閒少少咋！」戛然，芷晴向我們走過來，其後，再被旁人拉走，「咩話？又要影相？咁我一陣再行過嚟！」





最後，她亦分身乏術，無法與我寒暄幾句。